YESKIAL 48:14 - Susula Malalaok Hehelu Palak Ma Hehelu Beuk

¹⁴ Sila ta bole lase'o dae ndia, leomae ka'da tenga esa boe, do ala tukahenin; Israel dae baba'en fo, malole nanseli-a, ta bole lali leo hataholi fe'ek liman neu fa, nana dae ndia, nanafe hehelik ba'eneu Manetualain de ana da'di Manetualain nuun so.

YESKIAL 48:14 ပူးပေါင်းရင်းမြစ်များ

KELUARAN 22:29

Neu faik fo nananaketuk-ka, tunu-hotu fe Au, emi gandum, angol ma emi mina setum-ma, beke selik. Fe emi anaulu toum-mala leo Au mai,

KELUARAN 23:19

Tunga teuk, emi muse meni emi gandum-ma buna-boa makasososan-na leo Au mai. Ta bole nasu bi'ilopoana do bi'ihiiana paan-na nenik bi'iana sila inan su'uoen-na fa.”

YESKIAL 48:12

Hu ndia de, muse fe Zadok tititi-nonosin sila-la, dae hehelik nai dae fo, neukose fen neu hataholi Lewi-la ndia, boboan-na. Dae hehelik ndia, malalao-malalafuk nanseli.

YESKIAL 48:13

Hataholi Lewi-la daen ndia, nalun-na neme dulu leo muli neu, kilo sanahulu dua, metel natun lima, ma loan-na neme kii leo kona neu, kilo lima, de nakadadalak no imam-mala daen-na.

IMAMAT 23:20

Imam-ma muse tunu-hotu loti ma bi'ilopoana ka duak sila-la, da'di leo tutunu-hohotu natutu'duk ba'eneu Manetualain, fo imam-ma baba'en-na nde ndia. Tutunu-hohotuk sila-la nde been-na malalao-malalafuk.

IMAMAT 25:32

Tehu hataholi Lewi-la lanuu hak, su'di faihi'da ala soi falik sila hata-heton manai kota-kota fo nananaketu basak, soaneu sila.

IMAMAT 25:34

Tehu, ta bole nase'o mook fo mana'uk manai leo Lewi-a kota-kota-nala boboa-kaisun fa. Mook sila-la nde been-na, hataholi Lewi-la nuun losa dodoon-na.

IMAMAT 27:28

Ta hapu hataholi esa boen, hapu nase'o do soi falik hata fo ana fe basan da'di leo fe-fe hehelik, soaneu Manetualain so, nau hata ndia hataholi, bana-manu do dae boe. Sila-la da'di Manetualain nuun losa dodoon-na.

ROMA 8:23

Tehu ta ka'da daebafa ka mesa kasa hoo-nggu'u fa; te ita hoo-nggu'u nai ita dalen dale boe. Ita sipo basa Manetualain Dula Dale na da'di neu Manetualain baba'e-babati makasososa na, tehu ita boeo bei tahani Manetualain soi-tefa na ita so'da na basa-basan lala'ena fo Ana tao ita da'di Ndia anan.