YESKIAL 48:1 - Susula Malalaok Hehelu Palak Ma Hehelu Beuk

^1-7 Dae too kii, namanalu leo dulu neu, fo ana mulain neme Tasi Tala'dak leo kota Hetlon-na, enok fo masok leo Hamat, kota Hazar-Enan-na, losa leo dae too fo, nai kota Damsyik-ka no kota Hamat-ta tala'da. Leo ia-la nde, esa-esak muse hapu baba'ek esa, neme dae fo, namaloa neme dae too dulu, leo muli neu, losa leo Tasi Tala'dak neu, fo baba'en-na neme kii leo kona neu: Dan Asyer Naftali Manasye Efraim Ruben Yehuda

YESKIAL 48:1 ပူးပေါင်းရင်းမြစ်များ

2 SEMUEL 24:2

Boema, Dauk nafa'da Yoab, fo solda'dun-nala malanga matuainan-na nae, “Sama-sama moo o malanga solda'du matuainam-mala, meu leo basa leo Israel manai nusak-ka lala'en-na, fo leke laun-na dede'un-nala. Au hii bubuluk laun-na dede'un-na.”

YESKIAL 47:13

Manetualain Fo Mademaina, nafa'da nae, “Dae fo neukose, nanaba'ek neu leo Israel ka sanahulu duak-kala, too-lanen nde ia. Leo Yusuf-fa, sipo baba'ek dua.

YESKIAL 47:20

Dae too manai boboak muli, ana okofeo-na Tasi Tala'dak, boema ana leo kii neu, fo leo mamanak esa nai eno masok leo Hamat neu-a, boboan muli.

YESKIAL 47:23

Da'di metema, hataholi nusa dea-la, ala leo lai, leo Israel esa tala'da heon soona, ba'e fen dae pusaka, nai mamanak ndia boe. Au, Manetualain Fo Mademaina, nde manakokolak-ka.”

YOSUA 19:48

Kota-kota-nala loo nggolo-nggolon sila, lai nusak fo ala fen neu teidalek manai leo Dan-na dalek, fo da'di sila pusakan.