YESKIAL 47:7 - Susula Malalaok Hehelu Palak Ma Hehelu Beuk

⁷ de au ita, ai makadotok nanseli, lai lee ndia su'un duas.

YESKIAL 47:7 ပူးပေါင်းရင်းမြစ်များ

1RAJA-RAJA 9:26

Soaneu solda'du tasi bafa ka soona, Mane Salomo tao ofak kala nai Ezion-Geber, fo deka no Elot nai Namo Akaba, fo nusa Edom-ma, tasisu'u na.

2RAJA-RAJA 2:13

boema, ana helen-na, Elia ba'du manalun fo, manatu'da mai ndia. Basa ndia boema, ana fali ma'in, de napadeik neu Lee Yarden-na su'un-na,

KELUARAN 15:25

Musa hule-haladoi te'e-te'e neu Manetualain, boema Manetualain natu'dun ai nggenggelok esa. Musa tapa ai ndia leo oe dale neu, boema oe ndia nasafali da'di oe mamis, nalosa bisa linun. Nai mamanak ndia, Manetualain fes nakanenetek-kala, ma Ana so'ba-su'dis nai mamanak ndia boe.

YESAYA 60:13

Nula Libanon fo nandela-nasa'a, neukose lenin leo o mai, no ai berangan ai kaiou, ma ai eru, soaneu taon-na Au Umang-nga, da'di namahoko-seteleek, ma Au mamana napadeing-nga da'di mana'ahiik.

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YESKIAL 47:12

Basa ai maboa mata-matak lala'en-na, lai ndolo-ndolo lee ndia su'un duas. Ai sila-la doon-na, ala ta male lita fa, ma ta basa boan-nala fa. Ai sila-la, neukose labuna-laboa ai boa beuk tunga bulak, nana lee ndia oen-na, ana faa neme Manetualain Uman-na mai. Ai sila-la boan-nala, ala da'di nana'ak, ma doon-nala, ala da'di mo'do-akidok.”

NINITAK 22:2

ana faa nai enok manai kota ndia tala'da heon. Nai lee ndia su'u na fo nai su'un duas, hapu ai manafe maso'da ka, fo naboa la'i sanahulu dua nai teuk esa dale na fo nde bulak esa naboa la'i esa. Doo na nanapakek soaneu lakahahaik leoina la.