YESKIAL 47:19 - Susula Malalaok Hehelu Palak Ma Hehelu Beuk

¹⁹ Dae too manai boboak kona, ana leo muli kiik neu, fo neme Tamar leo oemata Kades-Meriba neu, boema ana leo muli konak neu, fo ana ndolo Masir dae toon-na, fo ana losa Tasi Tala'dak.

YESKIAL 47:19 ပူးပေါင်းရင်းမြစ်များ

1RAJA-RAJA 8:65

Nai Manetualain Uman ndia, Salomo ma basa laun Israel-la lala'en-na, tao feta Lalaak Akidook-ka faik hitu dalen-na. Hataholi makadotok nanseli lakabubua lai ndia. Ala mai leme nusa dook-ka mai fo mulai neme Eno Hamat ta, fo nai kii, losa leo dae too loo Masir-ra, fo nai kona.

1RAJA-RAJA 9:18

Baal-laat, ma kota Tamar-ra nai moo solokaek Yehuda,

2TAWARIKH 20:2

Boema hataholi neni halak ia leo Manek Yosafat-ta neu, nae, “Hataholi Edom makadotok nanseli ala mai leme Tasi Mates-sa selik mai fo sapu-la Ama Manek. Ala langatuu-la Hazezon-Tamar so.” (Hazezon-Tamar nde bee na En-Gedi na'den esa nde ndia.)

MAZMUR 81:7

“Au so'uheni lelepa mabela neme emi alum lain mai so, ma se'iheni olik-ka neme emi limam-ma mai.

YESAYA 27:12

Nai lelek ndia, neukose Manetualain tao nakabubua leoinan, esa basa soona esa, neme Lee Efrat-ta, losa Masir dae toon-na. Neukose Ana ta'da fe'es, sama leo hataholi-a ta'da fe'e gandum-ma isin-na, neme loun-na mai.

YESKIAL 47:10

Hataholi manadolu-dala, ala ho'i sila dalan-nala, leme oemata manai En-Gedi-a su'un-na, losa oemata manai En-Eglaim-ma, su'un-na. Basa i'ak mata-matak lala'en-na, lai oe ndia dalek, sama leo nai Tasi Tala'dak-ka dalek boe.

YESKIAL 47:15

Dae too manai boboak kii, ana mulain neme Tasi Tala'dak leo dulu neu, fo ana losa kota Hetlon-na, soona ana leo Hamat neu, fo nakandoo leo kota Zedad-ta neu,

YESKIAL 48:28

Nai dae Gad-ta, boboan kona, hapu dae too fo, mulai neme Tamar muli konak, fo ana tunga oemata Kades-Meriba, boema ana leo muli kiik neu, de ana ndolo Masir dae toon-na losa Tasi Tala'dak.

BILANGAN 20:1

Nai hataholi Yahudi-la bula ka esan-na dalek boema, basa hataholi Israel-la lala'en-na, losa moo solokaek Zin-na, de ala leo lahele leme Kades. Miryam maten, de latoin neme ndia.

BILANGAN 20:13

Ndia nde oemata Meriba. Hataholi Israel-la bemumu loo Manetualain nai mamanak ndia, ma Manetualain natu'du koasa malalao-malalafun-na neu leoina ndia, nai mamanak ndia boe.

BILANGAN 34:3

Too kona, mulai neme moo solokaek Zin-na, fo nakandoo leo Edom neu. Too dulu, mulai neme Tasi Mates-sa pe'dan kona,

BILANGAN 34:5

Soona ana dilu neme ndia leo bafak manai Masir dae toon-na, fo nate'e nai Tasi Tala'dak.

ULANGAN 32:51

Nana emi dua, ta lilineka neu Au, ma ta fe ha'da-holomata neu Au nai leoina Israel-la matan, nai lelek emi meme oemata Meriba, fo deka no kota Kades-sa, nai moo solokaek Sin-na.

ULANGAN 33:8

La'eneu Leo Lewi-a, Musa nafa'da nae: “No batu Urim-ma, ma batu Tumim-ma O mafa'da O hihii-nanaum, tunga hataholi Lewi fo O atam manalilinekam-ma. O so'ba-su'di basan, neme Masa so, ma O male'a moos neme Meriba.

YOSUA 12:3

boeo neni Bafak Yarden-na boboan dulu, fo neme Dano Galilea leo kona neu, fo losa leo Bet-Yesimot (nai Tasi Mates-sa boboan dulu) soona nakandoo leo Lete Pisga huun-na neu.