YESKIAL 47:18 - Susula Malalaok Hehelu Palak Ma Hehelu Beuk

¹⁸ Dae too manai boboak dulu leo kona neu, fo neme mamanak esa nai dae Damsyik-ka no dae Hauram tala'da. Da'di, Lee Yarden-na nalupa dae too no dae Israel-la nai boboak muli, ma Gilead nai boboak dulu, losa leo Tamar neu, fo nai Tasi Mates-sa su'un-na.

YESKIAL 47:18 ပူးပေါင်းရင်းမြစ်များ

KEJADIAN 13:10

Lot nakanae leo boboa-kaisun neu, boema nita la'iesak Bafak Yarden-na lala'en-na, losa leo kota Zoar-ra neu, fo oen-na makadotok, sama leo nai Manetualain Osin-na, do sama leo dae Masir-ra. (Ndia te, Manetualain beita tao namopo Sodom ma Gomora kotan-nala fa.)

KEJADIAN 13:11

Mate'en-na, Lot hele-na Bafak Yarden-na lala'en-na, boema ana la'o leo dulu neu. Hataholi ka dua sila-la nasi'da-naba'en, tutuin-na leondiak.

KEJADIAN 31:23

Boema Laban naloo nakabubua basa hataholin-nala, de basa-basas usi tunga Yakob nai faik hitu dalen-na, de ala tungan losa nusa letelepak Gilead-ta.

KEJADIAN 31:47

Laban foi batu nananaunuk ndia na'de Yegar-Sahaduta, tehu Yakob foin na'de Galed.

KEJADIAN 37:25

Lelek ala bei la'a-linu te, no kaiboik lita hataholi Ismael bubuak esa sa'e onta bei lai leleo-lala'on-na la dalek leme Gilead leo Masir leu. Sila onta nala fua bumbu-bumbu, balsam ma luu-luu.

AYUB 40:23

Aon-na ta dele fa, leomae Lee Yarden-na, oen-na faa-faan-na nasak-ka, dalen-na tesa-tama nahele, leomae oe-a pisok la'e mata-panan.

YEREMIA 50:19

Neukose Au fe falik hataholi Israel-la leo sila nusan. Neukose sila la'a-linu leme dae Letek Karmel ma nusa Basan. Neukose sila lakabete leme dae Efraim ma Gilead isin-na mai.

YESKIAL 47:16

fo ana leo Berota ma Sibraim neu, (kota sila-la lai kota Damsyik-ka no kota Hamat-ta tala'da), basa soona, ana leo kota Hazar-Enan-na, fo nai kota Hauran-na, dae toon-na.

YOEL 2:20

Neukose Au usi heni, lamak bubua matuaina, manamaik leme kii mai-a, Au usi heni seli leo moo solokaek-ka leu. Au akaseti dalak manai uluk-ka, leo Tasi Pilas-sa neu. Au tipa dalak manai dea, leo Tasi Tala'dak-ka leu. Mates de neukose laboo. Neukose Au tao amopo-amates, nana ala tao doi-doso emi so.

BILANGAN 32:1

Leo Ruben ma leo Gad-ta, bana-manun makadotok nanseli Lelek lita dae Yaezer ma dae Gilead-ta, lolen-na seli, soaneu nakaboboi bana-manu boema,

BILANGAN 34:10

Too dulu, mulai neme Hazar-Enan, fo leo Sefam neu.

HAKIM-HAKIM 10:8

Teuk 18 dalen-na, leoina ka duak sila-la, tuni-ndeni basa hataholi Israel manaleo manai Gilead-ta, fo nde hataholi Amori-la nusan manai Lee Yarden-na boboan dulu. Ala tao hataholi Israel-la no ta pake ha'da hataholi fa.