YESKIAL 45:9 - Susula Malalaok Hehelu Palak Ma Hehelu Beuk

⁹ Manetualain Fo Mademaina, nafa'da nae, “Hai manakoasa Israel-la lemin, emi sala-singom-mala dai so. Hahae tuni-ndeni laun-na leona. Tao-no'i hata fo, ndoos ma tunga matetun-na. Boso boe usiheni Au anang-ngala, leme sila daen dale mai. Au, Manetualain Fo Mademaina, fe paleta ndia neu emi.

YESKIAL 45:9 ပူးပေါင်းရင်းမြစ်များ

AYUB 20:19

Nana ana tuni-ndeni, ma ana taon-na, hataholi nuu-taak-ka natofa-natalak; ana loso-na uma fo, ndia ta nde taon-nana fa.

AYUB 22:9

Ta ka'da, o ta tulu-fali inafalu-la fa, te o tuni-ndeni kisa-anamaak-kala boe.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YEREMIA 6:7

Sama leo oemata faa nahele oe neuk, leondiak boe, kota ndia nabuna-naboa nahele mangalauk-ka. Au amanene ka'da hala naseti-nalakak, ma nakodaa mesan, neme kota ndia mai; Au ita bisu ma he'di-laus-sa, nai mamanak lala'en-na.

YESKIAL 44:6

Mafa'da hataholi Israel fo, ala hii ka'da lalenalanga-lasa'basoo ndia, mae Au, Manetualain Fo Mademaina, ta nau po'ilotak sila, tao tatao-nono'i manggenggeok so'on.

YESKIAL 7:11

Tatao-nono'ik fo ta nalelak susue-lalaik-ka, neni tatao-nono'i mangalauk makadotok. Basa sila su'i-beten, namatutua-namadedeman ma sila tetu-teman lala'en-na, neukose mopok-kasa.

YESKIAL 7:23

Tasi'bu-a, ana da'di nai nusak-ka lala'en-na; nai mamanak lala'en-na, hapu kanisak ma tatao-nono'ik fo, ta lalelak susue-lalaik-ka fa.

YESKIAL 8:17

Manetualain nafa'da au nae, “Hai hataholi daebafak fo, manasapu-manalalok-konei, o mita ndia do ta? Hataholi Yehuda ia-la, lame'da beita dai fa, metema ala tao ka'da tatao-nono'ik nanamaluak ndia mesak-kana, ma ala tao tatao-nono'i ta kandaak-kala, nai nusak ia lala'en-na. Nakalenak bai, ala tao-no'i basa sila-la, nai mamanak ia, fo nai Au Umang dale, de ala tao-la Au, amanasa ba'uk-ka seluk bai. Mitak, ala lakamumulu-lakamamaek Au nenik tatao-nono'ik fo, ta kandaak nanseli ia fa.

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.

AMOS 5:24

Malole lenak sanga enok, fo daenga eno ndoos ma matetuk-ka, ana faa sama leo oe-a, ma tatao-nono'ik fo tunga ndoon-na, ana faa sama leo lee manama'da taak-ka.

MIKHA 2:9

Emi usi heni inak manai Au anang-ngala dalek, neme uma susuen-na mai, ma emi loso-ma baba'e-papalak fo Au fen neu anang-ngala losa dodoon-na.

MIKHA 6:10

Nai hataholi mangalauk-kala uman, hapu hata-heto fo ala hapun neme tipu-daik-ka mai. Ala pake tatais ta matetuk, fo tatao-nono'ik esa, Au ta ahiik-kana fa. Neukose Au huku hataholi manatao tatao-nono'ik leondiak-ka.

ZAKHARIA 7:9

“Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.

ZAKHARIA 8:16

Emi muse tao tunga paleta-la nde ia nae: Metema emi kokolak soona, kokolak ndos neu emi nonoo hataholim-ma. Ho'i nakeketuk tunga ndoos ma matetuk, ma neni mole-dame.

LUKAS 3:14

Hapu solda'du la boeo latane lae, “Leo beek no ami? Ami muse tao beek?” Yohanis nataa nae, “Boso makaseti hataholi fe doik, ma boso kalaak pepekok fo loso ma hataholi doin. Ela leo bee na ngga'di fo emi sipo ka, dai emi nde ndia so!”

1 PETRUS 4:3

Nai le'do fai maneu ka, doo ka nanseli, emi tao-no'i tunga hataholi fo ta lalelak Lamatua ka, tatao-nono'i nala so. Hu ndia de, emi so'da ma ta malole fa. Emi tunga nasa-melu ka, mafuk ala-lalu, tao feta-dote, mi'a-minu, ma sene-do'ok meu sosongo-tatango manggenggeo ka.