YESKIAL 45:4 - Susula Malalaok Hehelu Palak Ma Hehelu Beuk

⁴ Dae ndia malalao-malalafuk, de sadia fe seli neu basa imam fo, manatao mamasok nai Manetualain Uman-na. Tao fe imam-mala uma neu, dae ndia seli, ma tao Manetualain Uman-na neu seli.

YESKIAL 45:4 ပူးပေါင်းရင်းမြစ်များ

YESKIAL 40:45

Touk ndia nafa'da au, nae uma ai fo nasale leo kona neu ndia, nanasadiak soeneu basa imam fo, manamalalau-maoono nai Manetualain Uman-na,

YESKIAL 40:46

ma uma ai fo nasale leo kii neu-a, nanasadiak soaneu basa imam fo, manamalalau-maoono nai mei tunu-hotuk-ka. Basa imam sila-la, muse leme Zadok tititi-nonosin-nala mai. Nana neme leo Lewi-a mai, ka'da Zadok tititi-nonosin nde bole deka loo Manetualain fo lalalau-laoonon nai makaluku-makatele-a dalek.

YESKIAL 43:19

Ka'da imam fo, leme Zadok neme leo Lewi-a, tititi-nonosin, nde bole mai leo Au matang mai, fo ala tao mamasok. Au, Manetualain Fo Mademaina, nde fe paleta ndia. Fes sapi maneanak esa, soaneu tutunu-hohotuk fo, sala-singok hapu do'o do ampon.

YESKIAL 44:28

Basa imam-mala, ala sipo kandela nangatutuuk imam ndia, da'di leo sila baba'en-na, neme hata fo Au fen neu Israel no tititi-nonosin-nala. Sila ta bole hapu hata esa boen nai Israel fa. Nana sila hata-heton nde, Au.

YESKIAL 45:1

Lelek fo, dae ndia beita nanababa'ek neu leo-la esa-esak, fo da'di sila dae pusakan, muse duiheni duduik esa soaneu Manetualain. Dae ndia nanalun-na, muse kilo sanahulu dua, metel lima, ma loloan-na, kilo sanahulu. Dae ndia basa-basan lala'en-na, malalao-malalafuk.

YESKIAL 45:3

Dae ndia seli, fo nalun-na kilo sanahulu dua seselik, ma loan-na, kilo lima, muse sadian soaneu nafofo'a Manetualain Uman-na, fo mamanak ndia, mamana malalao-malalafuk nanseli.

YESKIAL 48:8

Muse uku-ma, dae ndia baba'ek esa, soaneu paluu hehelik. Nalun-na, muse kilo sanahulu dua, metel natun lima, fo neme too kii losa too kona. Too dulu ma too muli, nanalun-na, muse sama no leo-leo Israel-la, dae baba'en-nala, nanalun-na. Manetualain Uman-na, neukose napadeik nai baba'ek ndia.

BILANGAN 16:5

Boema, nafa'da Korah no hataholi manalook-kana nae, “Balahaa fafaik soona, neukose Manetualain natu'du fe ita, see kande Ndia nuun, ma see kande nanafe hehelik soaneun. Hataholi fo Ana helek-ka, neukose Ana fen loak, fo ana deka non.