YESKIAL 45:17 - Susula Malalaok Hehelu Palak Ma Hehelu Beuk

¹⁷ Ndia nde, muse asa bana-manu soaneu tutunu-hohotu nanatunuk, tutunu-hohotu gandum, tutunu-hohotu angol, ba'eneu basa leoina Israel-la lala'en-na, nai fai malole-la, Feta Bula Beuk, fai Sabat-tala, ma fai malole fe'e-fe'ek-kala. Ndia muse sadia tutunu-hohotuk fo, sala-singok hapu do'o do ampon, tutunu-hohotu gandum, tutunu-hohotu nanatunuk, ma tutunu-hohotu mole-dame, soaneu noke do'o do ampon ba'eneu leoina Israel-la.”

YESKIAL 45:17 ပူးပေါင်းရင်းမြစ်များ

2 SEMUEL 6:19

Basa boema, ana baba'e fe basa-basas nana'ak. Basa hataholi manai sila-la, nau touk do inak boe, ana fe esan-na, paa nanadalak biak esa, loti ma koki kismis. Basa ndia boema, basa-basas fali le'us leo esa-esak uman neu.

2TAWARIKH 30:24

Manek Hizkia fe sapi mane lifun esa ma bi'ilopo lifun hitu. Hizkia hataholi mana'a ngga'din-nala fe sapimane lifun esa ma bi'ilopo lifun sanahulu. Ala fe basa bana sila-la leo laun-na neu fo ala do'dos fo la'a. Imam makadotok nanseli tao lalalao-lalalafu aoinan-nala.

2TAWARIKH 31:3

Manek-ka ho'u ndia bana-manun de ana fe tutulu-fafalik bana fo nanapaluuk soaneu tutunu-hohotu nanatunuk tunga-tunga fafain-na ma le'donoso-na. Ma soaneu tutunu-hohotuk fo tunu-hotun nai fai Sabat-ta, nai feta bula beu-ka, ma nai feta fe'e-fe'e-kala sama leo nananaketuk nai Manetualain hoholo-lalanen dale.

2TAWARIKH 5:6

Manek Salomo ma basa laun Israel-la lala'en-nalakabubua lai Peti Hehelu-balataak ndia matan-na, boema ala tunu-hotu fe Manetualain bi'ilopo ma sapi fo ta leke-nala dede'un-nala fa.

EZRA 1:5

Basa boema, basa mane leo-la, leme leo Benyamin-na, basa imam-mala, ma hataholi Lewi-la, ma ba'eneu hataholi, fo Manetualain nakababale dalen-na soona, maheheleaom leona, fo fali leo Yerusalem meu, fo nafofo'a falik Manetualain Uman-na.

MAZMUR 22:29

Nana Manetualain nde manakoasa, Ana paleta leoina-la.

MAZMUR 68:18

No kaleta matea-mahelek lifu-lifuk-kala, Manetualain mai nai sila tala'da nai matua-mademan-na dalek.

YESAYA 66:23

Tunga-tunga bula beuk, ma tunga-tunga fai Sabat-ta, basa hataholi daebafak lala'en-na, neukose ala mai, soaneu sene-do'ok Au nai Yerusalem.

YESKIAL 43:27

Basa fai ka hituk sila-la soona, imam-mala muse mulai fe tutunu-hohotuk, nai mei tunu-hotuk ndia lain, tutunu-hohotu nanatunuk, ma tutunu-hohotu mole-dame soaneu laun-nala. Soona neukose, Au sue-lai emi basa-basam-mala. Au, Manetualain Fo Mademaina, nde manakokolak-ka.”

YESKIAL 46:1

Manetualain Fo Mademaina, nafa'da nae, “Lelesuina dulu, fo nasale leo uma so'dan manai dalek-ka neu, muse nanakena nahelek, nai faik nee dalek. Lelesuina ndia, bole nanasoik ka'da nai fai Sabat-ta, ma Feta Bula Beuk-ka.

IMAMAT 4:27

Metema, lauingu esa, ana tao sala-singok, nanahu ta name'da fa te ana la'olena Manetualain paletan esa,

BILANGAN 29:29

Neu faik-ka neen-na, tunu-hotu sapi maneanak falu, bi'ilopo mane dua, ma bi'ilopo ana maneanak sanahulu haa, besak-ka teuk beke esak, ma ta lu'u la'ak fa.

YOHANIS 1:16

Hataholi ndia henuk no susue-lalai ka; susue-lalain manaketu basa tak. Ana ba'e-pala ita.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

IBRANI 13:10

Ita tanuu mei tutunu-hohotuk esa, soaneu ita fe tutunu-hohotuk neu Manetualain. Ma imam-imam fo lalalau-laoono nai Manetualain Uma Lopo na, ala ta hak la'a tutunu-hohotuk manai mei tutunu-hohotuk ndia lain fa

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.