YESKIAL 44:9 - Susula Malalaok Hehelu Palak Ma Hehelu Beuk

⁹ Au, Manetualain Fo Mademaina po'a-benga, ae hataholi nusa dea fo, nanasunat beitak-kala, ma hataholi fo, ana tunga neu Au fa, ta bole masok Au Umang-nga fa. Nakanenetek ndia, la'e hataholi nusa dea fo, ala leo lahele lai, leoina Israel-la tala'da heon-na boe.”

YESKIAL 44:9 ပူးပေါင်းရင်းမြစ်များ

YOEL 3:17

“Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.

ZAKHARIA 14:21

Basa kete manai Yerusalem-mala, ma nai basa Yudea lala'en-na, neukose nanafe hehelik, fo da'di Manetualain Fo Manakoasa pusakan. Laun fo manatunu-hotu tutunu-hohotuk-ka, neukose ana paken, fo ana nasu paa tutunu-hohotuk-ka. Metema, tepo-lelek ndia losa soona, neukose ta hapu manadangan nai Manetualain Fo Manakoasa Uman-na so'on.

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

MARKUS 16:16

Hataholi see ta namahele fa soona, neukose nanahukuk. Tehu hataholi see namahele fo salanin soona, neukose ana hapu so'da ka.

MAZMUR 93:5

Manetualain, O hoholo-lalanem manaketu-basa tak neme doon losa dodo-na, O Umam-ma malalao-malalafuk, losa dodoon-na.

MAZMUR 50:16

Tehu soaneu hataholi mangalauk-ka, Manetualain nafa'da nae, “O ta manuu haak kokolak Au hoholo-lalaneng fa, ma kokolak la'eneu Au hehelu-balataang fa.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.

IMAMAT 26:41

nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,

KELUARAN 12:48

Hataholi nanasunat bei taak-kala, ta bole la'a nana'a feta ndia fa. Metema hataholi nusa dea esa leo nahele so, de nai lelek emi hii tao feta Paskah soaneu fe ha'da-holomata neu Au fo Manetualain soona, muse sunat nakahuluk basa touk manai teidalen-na dalek. Basa ndia soona, sipok-kasa da'di leo hataholi Israel isik, fo ala bole tunga feta Paskah.

ULANGAN 23:4

nanahu nai lelek emi kalua meme Masir mai-a, ala ta nau fe emi nana'a-nininuk fa. Nakalena, ala se'ba Bileam, fo Beor neme kota Petor-a, nai Mesopotamia, fo ana soo-supa emi.

MAZMUR 24:3

See kande, ana bole kae leo Manetualain Pupukun lain neu ma neu leo Uman dale neu?