YESKIAL 43:10 - Susula Malalaok Hehelu Palak Ma Hehelu Beuk

¹⁰ Boema Manetualain nafa'da seluk nae, “Hai hataholi daebafak fo, manasapu-manalalok-konei, mafa'da hataholi Israel-la, la'eneu Au Umang ia, ma madenus fo, ala mete matalolole uma ia tao taon leo beek. Taom-malas ala mae, nanahu basa sila sala-singon lala'en-na.

YESKIAL 43:10 ပူးပေါင်းရင်းမြစ်များ

1 TAWARIKH 28:11

Basa ndia boema, Dauk fe gambar soaneu Manetualain Uman-na, gudang-ngala, basa Kaman-nala, ma Kama Malalao-malalafuk nanseli-a, mamanak soaneu fe do'o do ampon neu sala-singok-ka.

1 TAWARIKH 28:19

Boema Manek Dauk-ka nae, “Basa sila-la nanasulak nai susulak fo nanasulak nandaa no natutu'duk fo Manetualain nde fen neu au soaneu akalala'ok-kana.”

KELUARAN 25:40

Mafandendelek, fo tao banu eik ndia tunga natutu'duk fo Au atu'dun neu o neme letek ia lain.

YESKIAL 16:61

Neukose, o mafandele neu o tatao-nono'im-mala, fo o mame'da mamaek, nai lelek Au fe falik o tolanoom-mala leo o neu, de o taos da'di o anam, leomae dede'ak ndia, ta hapun nai Au hehelu-balataang no o-a, dalek fa.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 28:12

“Hai hataholi daebafak fo, manasapu-manalalok-konei, kii-makaleleu soaneu mane Tirus-sa leona. Manduku-malosak hata fo Au, Manetualain Fo Mademaina, nafa'da neun nae, ‘O da'di hai dulak neme matetu-mandaak-ka mai so; makahulun-na, te'e-te'e o manatee-tenok ma mata-pana makeek!

YESKIAL 40:4

Touk ndia, nafa'da au nae, “Hai hataholi daebafak fo, manasapu-manalalok-konei, mamanene matalolole, ma taoafik neu basa hata lala'en fo, au atu'dun neu o, nana hu kande dede'ak ndia de, Manetualain koasan-na, noo o leo ia mai. Mafa'da leoina Israel-la, basa hata fo, neukose o mitan.”

YESKIAL 43:11

Ma lelek ala mae basa, nanahu sila tatao-nono'in-nala soona, mafa'da mangalele'dos, Au Umang ia tao taon leo beek: uma matak leo beek-ka, lelesu masok, ma lelesu kalua-na leo beek, uma-la lakananatok tao leo beek, basa nakanenetek ma hoholo-lalanen lala'en-na. Sulak fes basa sila-la, fo ela ala mete, ma ala taoafik neu ito-ato basa hata lala'en-na, eno-dalan leo beek, boema ala tunga basa nakaneneten-nala.

YESKIAL 44:5

boema Manetualain nafa'da au nae, “Hai hataholi daebafak fo, manasapu-manalalok-konei, taoafik matalolole, hata fo o mitan, ma o mamanenen. Neukose Au afa'da o, basa nakanenetek ma hoholo-lalanek lalaena, la'eneu Au Umang ia. Sulak matalolole, see-see fo, ana hapu loak masok Au Umang-nga, ma see-see fo, ta bole masok Au Umang-nga fa.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

YOSUA 22:28

Da'di, ami dudu'am-ma nde ia, leounik-ka, emi tititi-nonosim lafa'da lae leondia soona, ami tititi-nonosim bisa lafa'da lae, ‘Mete mei tunu-hotuk ndia leona! Ami bei-ba'i kaim-mala lapadedeik-la mei tunu-hotuk esa, lupan-na sama no Manetualain mei tunu-hotun-na, ta soaneu tutunu-hohotu nanatunuk, do soaneu tunu-hotuk, tehu soaneu da'di ta'du-tana ba'eneu ita hataholi ka duak-kala.’