YESKIAL 40:7 - Susula Malalaok Hehelu Palak Ma Hehelu Beuk

^7-10 Nai lelesuina ndia dean-na, hapu mangalolok esa, fo nai mangalolok ndia boboan seli soona, hapu kama naneak telu. Kama sila-la, bekebaba'uk; ma balakak, fo boboan esa soona, nanalun-na metel telu. Papala nanadamak fo, manata'da ba'e kama esa no kama esa, kakaten-na metel dua seselik. Mangalolok ndia, namanalu metel telu seluk leo kama matua fo, mananasale leo Manetualain Uman-na neu. Touk ndia, ana uku kama maloa ndia de, loan-na metel haa; fo nai lelesuina pe'dan dalek, fo nde kama manadeka nanseli no Manetualain Uman-na. Papala nanadamak manai boboan fo, nasale leo Manetualain Uman-na neu-a, kakaten-na metel esa.

YESKIAL 40:7 ပူးပေါင်းရင်းမြစ်များ

1 TAWARIKH 23:28

Ala muse tulu-fali imam-imam fo Harun tititi-nonosin nai lakalala'ok feta makaluku-makatele dalek nai Manetualain Uman, mete-lakanae Manetualain uma so'dan nala ma kama-kama manai Manetualain Uman, boema lanea fo ela basa hata lala'en fo nanafe hehelik soaneu Manetualain na, boso da'di langgenggeo.

1 TAWARIKH 9:26

Tehu malanga manamanea ka 4-k sila-la, lanea lahele. Ala lanea kama-kama manai Manetualain Uman, ma bua-lo'as nanape'dak manai ndia.

2TAWARIKH 3:9

ma ana pake lilopilas gram natun lima hituhulu soaneu tao pakuk. Ta'dak manai lain-nala kaman-nala boeo, nananakadiditak nenik lilopilas.

2TAWARIKH 31:11

No manek-ka paletan-na, de ami tao mama pepe'da nana'a-nininuk nai Manetualain Uman-na boboa-kaisun,

EZRA 8:29

Manea matalolole bua-lo'as sila-la, losa emi basa-basam-mala losa Manetualain Uman. Metema emi losa naa soona, emi basa-basam-mala muse tai bua-lo'as sila-la, fo fen leo imam mala malangan-na ma hataholi Lewi-la mauli-malangan-nala, boema hataholi Israel-la mauli-malangan manai Yerusalem-ma.”

YEREMIA 35:4

Au os lo Manetualain Uman fo Yigdalya anan Nabi Hanan-na ana manatungan-nala kaman-na. Kama ndia, nai Salum anan Imam Maaseya kaman-na lain fo dekak no manaho'u paleta fe'ek-kala kaman-na. Maaseya nde been-na manana'a ngga'di madema ina fo manea lelesu-lelesu manai Manetualain Uman-na.

YESKIAL 40:21

Kama naneak telu lai lelesuina ndia boe, fo lai mangalolok-ka boboan beke selik. Papala nanadamak manata'da ba'ek-kala, boema kama matuainan-na, basa-basas uukun-nala, sama no manai lelesuina dulu. Basa lelesuina manai mangalolok ndia lala'en-na, nalun-nala metel duahulu lima, ma loan-nala, metel sanahulu dua senti lima.

YESKIAL 40:29

Kama nanean-nala, kama matuainan-nala, ma papala nanadaman manai dalen-nala, sama no uukuk manai lelesuina fe'ek-kala. Kama manai lelesuina ia-la boeo, lanuu jendela. Lelesuina ndia, mangalolon-na, nanalun-na metel duahulu lima, ma loloan-na, metel sanahulu dua, senti lima.

YESKIAL 40:33

Kama nanean-nala, papala nanadaman manai dalen-nala, ma kama matuainan-nala, uukun-nala sama no uukuk manai lelesuina fe'ek-kala. Nai kaman sila-la, ma nai kama matuaina-na, hapu jendela. Lelesuina ndia mangalolon-na, nanalun-na metel duahulu lima, ma loloan-na metel sanahulu dua, senti lima.

YESKIAL 40:36

Boeo kama nanean-nala, papala nanadaman manai dalen-na, ma kama matuainan-na, sama no manai lelesuina fe'ek-kala. Nai kaman-nala, ma nai kama matuainan-na, hapu jendela. Lelesuina ndia mangalolon-na, nanalun-na metel duahulu lima, ma loloan-na metel sanahulu, senti lima.

YESKIAL 42:5

Kama manai ta'dak lain-nala, makabi'ak lena neme kama manai, ta'dak dae-la, nana mangalolok nai kama manai lain-nala matan-na ndia, loa lena kama manai dae-la.