YESKIAL 40:6 - Susula Malalaok Hehelu Palak Ma Hehelu Beuk

⁶ Basa boema, neu leo lelesuina fo, nasale leo dulu neu. Ana kae tunga e'dahuuk-ka, de ana losa lain boema, ana uku lelesu ndia doon-na, de loan-na metel telu.

YESKIAL 40:6 ပူးပေါင်းရင်းမြစ်များ

1 TAWARIKH 9:18

Losa faik ia, hataholi maneme sila leo-ingu-na mai, ala hapu bela-ba'uk lanea Lelesuina Manek-ka, nai boboak dulu. Makahulun-na hataholi maneme sila leo-ingu-na mai, ala hapu bela-ba'uk lanea lelesuina manaleo hataholi Lewi-la lalaa teman-na neu.

1 TAWARIKH 9:24

Hapu lelesu 4; esa nai kii, esa nai kona, esa nai dulu ma esa nai muli. Nai lelesu sila-la esa-esak, hapu hataholi Lewi esa da'di malanga manamanea.

MAZMUR 84:10

Fe ami manem-ma, baba'e-papalak, ou Manetualain, Masulu-mahapa hataholi fo O hele basak-kala so.

YEREMIA 19:2

soaneu ala la'ok lakabubua lo sila lo Bafak Hinom, fo ala tunga Lelesu Ina Beling-nga. Nai naa au muse po'a-benga hata fo nanaheluk neu au.

YESKIAL 10:18

Boema Manetualain mandela-masa'an, fo ana da'di ta'du-tana esa neu Manetualain mamain-na, ana la'oela lelesu masok leo Manetualain Uman-na neu, de ana lali leo mahahaek sila-la lain neu.

YESKIAL 11:1

Boema, Manetualain Duladalen-na, so'u-na au de noo au leo Manetualain Uman-na lelesuinan Dulu neu. Au ita hataholi duahulu lima lai ndia, de nai hataholi ka duahulu limak sila-la dalek, hapu mauli-malangan leoina dua lai dalek, fo nde Yaazanya, fo Azur anan-na, ma Pelaca, fo Benaya anan-na.

YESKIAL 40:20

Basa boema, touk ndia, ana uku lelesuina kii, fo manaleo uma so'dan manai dalek-ka neu.

YESKIAL 40:22

Leondiak boe, kama matuainan-na, jendelan-nala, ma dodoki-dudula ai palem-nala, sama no manai lelesuina dulu. E'dahuuk esa, anak hitu, leo lelesuina ndia neu, ma nai pe'dan-na, hapu kama matuaina, fo nasale leo Manetualain Uman-na so'dan manai deak-ka neu.

YESKIAL 40:24

Basa boema, touk ndia noo au leo, lelesuina kona neu, de ana ukun. Ana hapu lelesuina ndia uukun-na, sama no lelesuina fe'ek-kala.

YESKIAL 40:26

E'dahuuk esa, anak hitu, leo lelesuina ndia neu, ma kama matuainan-na, nai pe'dan-na boe, fo nasale leo Manetualain Uman-na, so'dan manai deak-ka neu. Papala nanadaman manai boboan dalek-kala, lasale leo mangalolok-ka leu, fo nanabalias nenik dodoki-dudulak ai palem.

YESKIAL 40:5

Boema au ita papala nanadamak-ka, okofefeo-na Manetualain Uman-na. Touk ndia, mulai uku papala nanadamak ndia, nenik ai uukun fo nalun-na metel telu ndia. Ana hapu papala nanadamak ndia, deman-na metel telu, ma katen-na metel telu boe.

YESKIAL 40:7

Nai lelesuina ndia dean-na, hapu mangalolok esa, fo nai mangalolok ndia boboan seli soona, hapu kama naneak telu. Kama sila-la, bekebaba'uk; ma balakak, fo boboan esa soona, nanalun-na metel telu. Papala nanadamak fo, manata'da ba'e kama esa no kama esa, kakaten-na metel dua seselik. Mangalolok ndia, namanalu metel telu seluk leo kama matua fo, mananasale leo Manetualain Uman-na neu. Touk ndia, ana uku kama maloa ndia de, loan-na metel haa; fo nai lelesuina pe'dan dalek, fo nde kama manadeka nanseli no Manetualain Uman-na. Papala nanadamak manai boboan fo, nasale leo Manetualain Uman-na neu-a, kakaten-na metel esa.

YESKIAL 41:16

nanabalias nenik papak ai, neme laten-na losa jendelan-nala. Jendela sila-la nanalonak nenik tema jendela.

YESKIAL 42:15

Touk ndia, ana uku basa Manetualain Uman-na dalek boema, noo au kalua tunga lelesuina dulu, boema ana uku okofefeok Manetualain Uman-na.

YESKIAL 43:1

Basa boema, touk ndia noo au leo lelesuina fo, nasale leo dulu neu,

YESKIAL 43:17

Tala'dan-na boeo, balakak; boboak esa soona, nalun-na, metel hitu, no su'udook esa, nai su'udoon deak, fo deman-na, senti duahulu lima. (Oelolok-ka loloan-na, senti limahulu.) Nai su'udoon dulu, hapu e'dahuuk leo mei tunu-hotuk-ka poin-na neu.

YESKIAL 43:8

Makahulun-na, sila manen-nala tao lelesu dook, ma sila uma manen-na diin-nala, lai Au Umang-nga lelesu doon, ma diin-nala boboan-na, nalosa hapu ka'da papala esa nai tala'da. Ala tao langgenggeo basa Au na'de malalao-malalafung-nga, nenik sila tatao-nono'in fo, nanamaluak-ka. Hu ndia de, Au tao amate-amopos, nai Au nasa-melung dale.

YESKIAL 44:1

Basa boema, touk ndia ho'u-na au limang-nga, de ana hela au leo lelesuina deak-ka, fo nai Manetualain Uman-na, daen boboan dulu. Lelesuina ndia, nanakenak,

YESKIAL 46:12

Metema manapaleta, nahiik fe Manetualain tutunu-hohotuk tunga ndia dale hihii mesan-na, nau nalupa tutunu-hohotu nanatunuk, do tutunu-hohotu mole-dame boe, soona muse soi fen, lelesuina dulu, fo leo uma so'dan manai dalek-ka neu. Ndia muse tunu-hotu tutunu-hohotuk sila-la, sama leo ana tunu-hotun nai fai Sabat-ta, tehu ana fali soona, no lai-laik, muse kena seluk lelesuina ndia.”

YESKIAL 47:1

Touk ndia, no falik au leo lelesu masok leo, Manetualain Uman neu. Au ita oe-a, ana faa neme lelesu ndia dae mai, de ana faa leo dulu neu, sama leo Manetualain Uman-na boeo, nasale leo dulu neu boe. Oe ndia, ana faa neme Manetualain Uman-na, lelesu doon manai boboan kona mai, de ana tunga mei tunu-hotuk-ka, su'udoon kona.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.