YESKIAL 40:24 - Susula Malalaok Hehelu Palak Ma Hehelu Beuk

²⁴ Basa boema, touk ndia noo au leo, lelesuina kona neu, de ana ukun. Ana hapu lelesuina ndia uukun-na, sama no lelesuina fe'ek-kala.

YESKIAL 40:24 ပူးပေါင်းရင်းမြစ်များ

YESKIAL 40:33

Kama nanean-nala, papala nanadaman manai dalen-nala, ma kama matuainan-nala, uukun-nala sama no uukuk manai lelesuina fe'ek-kala. Nai kaman sila-la, ma nai kama matuaina-na, hapu jendela. Lelesuina ndia mangalolon-na, nanalun-na metel duahulu lima, ma loloan-na metel sanahulu dua, senti lima.

YESKIAL 40:6

Basa boema, neu leo lelesuina fo, nasale leo dulu neu. Ana kae tunga e'dahuuk-ka, de ana losa lain boema, ana uku lelesu ndia doon-na, de loan-na metel telu.

YESKIAL 46:9

Nasafalin-na, metema nai fai matua, fo laun-na mai sene-do'ok neu Manetualain, soona sila nde masok tunga lelesuina kii, ma ala sene-do'ok basa, fo ala fali soona, muse ala tunga lelesuina kona. Ma sila fo, manamasok tunga lelesuina kona, ala fali soona, muse ala tunga lelesuina kii. Hataholi-la hapu kekena-kaka'ik fo, ala boso fali tunga enok fo, nai lelek ala masok-ka; ala muse fali tunga lelesuina manai selik-ka.