YESKIAL 39:4 - Susula Malalaok Hehelu Palak Ma Hehelu Beuk

⁴ Gog no basa solda'dun-nala, ma basa leoina fo manalook-kana, neukose mate la'iesak-kasa lai Israel leten-nala lain, fo Au fe popolan-nala neu manupui-la, ma bana makaak-kala, fo la'ahenis.

YESKIAL 39:4 ပူးပေါင်းရင်းမြစ်များ

YESAYA 14:24

Manetualain Fo Manakoasa, soo nae, “Fo Au tutu'u basan ndia, neukose ana da'di.

YESAYA 14:25

Neukose Au tao amopo-amate hataholi Asyur manai Au nusang Israel-la, ma neukose Au heheta-aa'i manai letek-kala. Neukose Au soi-po'i Au leoinang, neme tuni-ndenik-ka mai, ma neme lelepak fo hataholi Asyur-ra lakasetis ala lu'a-lepan.

YEREMIA 15:3

Au, Manetualain, nde aketu ae, huhukuk kahaak-ka fo mangalaun-nansei ndia, neukose ana da'di neu sila: neukose mate-mopos nai natee-natatik-ka dalek, neukose busa-la lale'a-loloso sila popolan-na, manupui-la la'as, ma nanataom-ma basak neme bana makisu-makak-kala mai.

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

YESKIAL 29:5

Basa soona, Au tapa o moo basa i'ak sila-la lala'en-na, leo moo solokaek-ka neu. Neukose o mapoko dae lain, fo o makabebepa meme ndia. Neukose hataholi ta natoi-natono o fa. Au fe o leo manupui-la, ma bana fe'e-fe'ek-kala, fo la'aheni o.

YESKIAL 33:27

No Au, Manetualain fo maso'dak-ka, Manetualain Fo Mademaina na'den-na, hataholi manaleo manai kota ndia manandefan-na, neukose nanataonisak. Sila manaleo manai mook-kala, neukose bana fuik-kala la'ahenis. Sila fo manake'ke lai letek-kala, ma lai leak-kala, neukose he'di-laus lepa nenis.

YESKIAL 35:8

Neukose Au akadofu ketu letek-kala nenik, o hataholi manamatem-mala, ma Au tao ahenu pupukuk ma bafak-kala, nenik hataholi manamatek lai natee-natatik-ka dalek.

YESKIAL 38:21

Boema, neukose Au tao anggengek Gog nenik soe mata-matak lala'en-na. Au, Manetualain Fo Mademaina, nde manakokolak-ka. Neukose Au anang-ngala, esa sapu-na esa nenik sila tafainan-na.

YESKIAL 39:5

Neukose solda'du sila-la ala tu'da, fo mates lai tina-la dalek. Au, Manetualain Fo Mademaina, nde manakokolak-ka.

NAHUM 3:3

Solda'du manasa'e ndala-la, ala sapu no tene henuk, no tafaina mangale'dok ma tee isi mangadilak. Ta leke-nala hataholi mates-sala fa, popolan-nala ladou-dou, de hataholi-la lakatunu.