YESKIAL 39:26 - Susula Malalaok Hehelu Palak Ma Hehelu Beuk

²⁶ Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.

YESKIAL 39:26 ပူးပေါင်းရင်းမြစ်များ

MAZMUR 99:8

Ou ami Amam Manetualain O mataa O anam-mala; Ba'eneu sila soona, O nde bee-na Manetualain, fo nau fe do'o do ampon, leomae O hukus, nanahu sila sala-singon-nala boe.

YESAYA 17:2

Kota-kota manai Siria-la, neukose nanala'o elak losa dodoon-na, fo ana da'di bana-manu mamana nakabubuan; Ta hapu hataholi esa boen, fo ana bisa usiheni fas.

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

YESKIAL 15:8

Ala ta lilineka neu Au fa, hu ndia de, Au tao dae ndia da'di moo solokaek. Au ManetualainFo Mademaina, nde manakokolak-ka.”

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 20:27

Nah, hai hataholi daebafak fo, manasapu-manalalok-konei, mafa'da hataholi Israel-la hata fo Au, Manetualain Fo Mademaina, afa'das: Hapu buti fe'ek fo natu'du, tao leo beek de, sila bei-ba'i kain-nala lakamumulu-lakamamaek Au, ma ala ta lilineka neu Au fa

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 32:30

Basa maneana nusak kii-la, lai naa, leondiak boe, hataholi Sidon-nala. Makahulun-na, sila koasan-na neni bibii-namata'uk, tehu besak ia, no mamaek ma nanasunat tak, ala kona leo hataholi manamatek-kala mamanan-na leu, sama-sama loo hataholi manamatek manai natee-natatik-ka dalek. Ala mate nai naa, ma ala lu'a-lepa sala-singok, sama-sama loo hataholi manakona leo hataholi manamatek-kala mamanan-na leu.

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

YESKIAL 44:13

Sila ta bole lalalau-laoono seluk Au, da'di leo imam, do ala koila'e hata fo, malalao-malalafuk ba'eneu Au, do ala masok leo Mamanak Fo Malalao-malalafuk nanseli-a, dalek leu fa. Sila tao, tatao-nono'i manggenggeok-ka, huhukun-na nde ndia.

DANIAL 9:16

O masala'e ami nai tepo-lelek makahulun-na so, hu ndia de, boso boe mamanasa Yerusalem, fo O kotam-ma, O pupuku malalao-malalafum-ma. Hu kande ami sala-singom, ma ami bei-ba'i kaim tatao-nono'i mangalaun-nala, boema basa hataholi manai ami boboa-kaisum-mala lakadadaek Yerusalem ma O anam-mala.

MIKHA 4:4

Neukose hataholi-a esa-esak naso'da nee-nee lino-lino, ma so'da-molek nai osi angol ma osi ai kaan-na tala'da; neukose ta hapu hata nakatata'u fan, Manetualain Fo Manakoasa, hehelu-balataan nde ndia.