YESKIAL 39:21 - Susula Malalaok Hehelu Palak Ma Hehelu Beuk

²¹ Manetualain nafa'da nae, “Neukose, Au atu'du Au mandela-masa'ang neu leoina-kala. Neukose basa-basas lita, tao leo beek fo, Au pake Au koasang-nga, soaneu Au akalala'ok nakeketuk-kala no ndoos ma matetuk.

YESKIAL 39:21 ပူးပေါင်းရင်းမြစ်များ

MAZMUR 32:4

Lele'do-le'odaen, O ne'e au, Manetualain, basa au be'i-balakaing, sama leo le'do haan-na, nakamusi-nan.

MAZMUR 94:10

Ndia nde nanoli leoina-la, ade Ana ta huku fa do? Ndia nde da'di basa hataholi-la mesen-na, ade ta nalelak fa do?

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 7:4

Hu ndia de, neukose Au huku Masir, nenik huhuku-dodokik mabelaina, basa soona Au o leoina Israel, fo Au anang-ngala lala'en-na, kalua leme nusak ndia mai.

KELUARAN 8:19

nalosa basa malela siula-tongonok sila-la, lafa'da manek-ka lae, “Manetualain nde tao ia.” Tehu, manek ndia nalanga batu nahele, de sama leo hata fo Manetualain, nafa'dan nae, manek ndia, ta nau taoafik neu Musa no Harun hala-kokolan fa.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”

YESKIAL 36:23

Neukose Au atu'du Au na'de malalao-malalafung matuainang ndia, na'dek fo emi tao manggenggeon nai leoina-kala tala'da, soona besak-ka ala bubuluk, Au nde Manetualain-na. Au, Manetualain Fo Mademaina, nde manakokolak-ka. Neukose Au pake emi, fo emi matu'du leoina-kala, mae Au ia, malalao-malalafuk, Manetualain Fo Malalao-malalafuk nanseli.

YESKIAL 38:16

Boema, o sapu-ma Au anang Israel, sama leo ani-sangu-a sa'e-na daebafak-ka. Metema fain-na losa soona, neukose Au adenu o, fo muu mangatuu-ma Au daeng-nga. Hai Gog, no Au tatao-nono'ing tunga o, de neukose leoina-kala bubuluk, see Au, fo nde Manetualain, fo malalao-malalafuk-ka.

YESKIAL 38:23

No enok ndia, neukose Au atu'du neu basa leoina lala'en-na, ae Au ia matua-madema, ma malalao-malalafuk. Soona besak-ka ala bubuluk, lae Au nde Manetualain-na.”

YESKIAL 39:13

Basa laun manai nusak-ka lala'en-na, latoi-latono hataholi manamatek sila-la, de no sila tatao-nono'in ndia de, neukose ala hapu kokoa-kikiok, nai faik fo, Au atu'du Au mandela-masa'ang-nga. Au, Manetualain Fo Mademaina, nde manakokolak-ka.

MIKHA 2:9

Emi usi heni inak manai Au anang-ngala dalek, neme uma susuen-na mai, ma emi loso-ma baba'e-papalak fo Au fen neu anang-ngala losa dodoon-na.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

MALEAKHI 1:5

Neukose, leoina Israel-la lita matan, fo lafa'da lae, “Tete'ek-ka, Manetualain matuaina; koasan-na, losa dae Israel-la selik!”

SEMUEL SUSULAK-KA ESAN-NA 5:11

Hu ndia de, laloo basa Filistin manen-nala, fo lakabubua, boema lafa'da lae, “Meni falik Israel Manetualain-na, Peti Hehelu-balataan ndia leo mamana makasososan-na neu, fo daenga ana boso taonisa ita ma ita teidale-bobongin-nala.” Lapangamak-ka da'di nai kota dale lala'en-na, nanahu Manetualain huku laun-na nenik huhuku mabelaina.

SEMUEL SUSULAK-KA ESAN-NA 5:7

Lelek lita manada'dik ndia la'e sila boema, lafa'da lae, “Israel Manetualain-na huku ita ma ita lamatua daebafan Dagon so. Ita ta bole po'ilotak Peti Hehelu-balataan nahele naladook-ka seluk, nai ia bai.”

SEMUEL SUSULAK-KA ESAN-NA 6:9

Taoafik neu lala'on-na; metema neni Peti Hehelu-balataak ndia leo nusan-na neu, fo nde Bet-Semes soona, ndia sosoa-ndandaan nae Israel Manetualain-na, nde fe soe matuaina ndia neu ita. Tehu metema nggalobak ndia ta neu leo naa neu fa soona, neukose ita bubuluk tae soe ndia ta neme Israel Manetualain-na mai fa, te soe manada'di aok ndia.”