YESKIAL 39:17 - Susula Malalaok Hehelu Palak Ma Hehelu Beuk

¹⁷ Manetualain Fo Mademaina, nafa'da au nae, “hai hataholi daebafak fo, manasapu-manalalok-konei, maloo basa manupui-la, ma bana fe'ek-kala, fo ala mai leme mamanak lala'en-na mai, soaneu la'a tutunu-hohotuk fo, Au sadia basan ba'eneu sila so. Neukose Au tao feta matuaina nai Israel leten-nala lain, de ala hapu la'a paa, ma linu daak nai naa.

YESKIAL 39:17 ပူးပေါင်းရင်းမြစ်များ

KEJADIAN 31:54

Ana do'do bana esa, de ana tunu-hotun nai pupukuk ndia lain. Boema ana ka'i basa hataholin-nala, fo la'a sama-sama. La'a basa boema, ala sungu leme pupukuk ndia lain.

YESAYA 18:6

Neukose basa solda'dun-nala popolan-nala nanala'o elak, fo ala da'di manupui fai hanas-sala nana'an, ma bana makaak-kala nai fai makalinin-na.”

YESAYA 29:2

Tehu neukose, Manetualain fe soe-a mai, neu kota ndia, nalosa hataholi-a nakadii-nakau ma nahoo. Basa kota lala'en-na, nalupa leo mei tunu-hotuk fo, nadiu daak.

YESAYA 34:6

Neukose Manetualain tafainan-na, nadiu daak, ma pete-pete no sila minan-na, sama leo pete-pete no bana tutunu-hohotuk-ka daan-na, ma minan-na. Nana Manetualain sadia tutunu-hohotuk nai Bozra, ma Ana taok-kanisa matuaina-la nai dae Edom-ma.

YESAYA 34:7

Neukose hataholi-la mate, sama leo sapi fuik-ka, ma sapi tenak-ka. Sila nusan-na, neukose pilas nanahu daak-ka, ma henuk no bana-la minan-na.

YESAYA 56:9

Manetualain nadenu leoina nusa dea-la, ala mai sama leo bana makaa-makisuk-ka, fo ana kaa-na, anan-nala.

YEREMIA 12:9

Sila sama leo manupui fo manupui langafula sapu nas leme basa bu'u-bolok lala'en-na mai. Malo basa bana fuik lala'en-na soaneu tao mabasa la'i esak-kasa.

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

YEREMIA 46:10

Tehu au, Yeremia afa'da ae, ia soona Manetualain Fo Mademaina ma Manakoasa fain ia; neu faik nde te, ana tao babalak neu basa musunom-mala lala'en-na. Neukose tafan-na na'as losa lakabete, ma ninu daan-nala losa ana doak. Faik ia Manetualain Fo Manakoasa do'do tutunu-hohotun-nala nai ki, nai lee Efrat ndia su'un-na.

YESKIAL 29:5

Basa soona, Au tapa o moo basa i'ak sila-la lala'en-na, leo moo solokaek-ka neu. Neukose o mapoko dae lain, fo o makabebepa meme ndia. Neukose hataholi ta natoi-natono o fa. Au fe o leo manupui-la, ma bana fe'e-fe'ek-kala, fo la'aheni o.

YESKIAL 39:16

Fo no enok ndia, dae ndia nanatao nalalaok neme manggenggeok-ka mai. (Nai fai makabuin, neukose hapu kota nai bafak ndia, na'den-na sama leo Gog Solda'dun-nala na'den-na.)”

YESKIAL 39:4

Gog no basa solda'dun-nala, ma basa leoina fo manalook-kana, neukose mate la'iesak-kasa lai Israel leten-nala lain, fo Au fe popolan-nala neu manupui-la, ma bana makaak-kala, fo la'ahenis.

ZEFANYA 1:7

Manetualain fain-na deka so. Neukose Manetualain ho'i nakeketuk nai faik ndia. Hu ndia de, pe'daom nai matan-na. Manetualain naheheleaon soaneu Ana ho'i-na anan-nala ani hahaen-na, sama leo do'do bana tutunu-hohotuk-ka, de ana ka'i basa Yehuda musun-nala so.

MATEOS 24:28

Nai bee hapu paa puluk soona, nai ndia hapu manupui mana'a paa pulu kala.”

SEMUEL SUSULAK-KA ESAN-NA 16:3

Boema ka'i Isai, fo neu leo feta tutunu-hohotuk ndia neu. Mahani te, Au sanga afa'da o, hata fo neukose o muse tao-no'in. Hataholi fo Au atu'dun neu o ndia, muse o ndo ein da'di manek.

SEMUEL SUSULAK-KA ESAN-NA 17:46

Faik ia boe, neukose Manetualain fe o leo au mai; neukose au sengi o, fo au te'te heni o langam-ma. Neukose au fe o aopaam-ma, ma solda'du Filistin-nala aopaan-nala, neu manupui-la ma bana-la fo la'an. Soona basa daebafak-ka lala'en-na, neukose bubuluk, lae ami leoinam Israel, manuu Manetualain, de ami sene-do'ok-kana,