YESKIAL 39:1 - Susula Malalaok Hehelu Palak Ma Hehelu Beuk

¹ Manetualain Fo Mademaina, nafa'da nae, “Hai hataholi daebafak fo, manasapu-manalalok-konei, fe nasanene'da mahelek neu Gog, fo mane matuaina neme nusa Mesekh ma Tubal mai, ma mafa'dan mae Au ia, ndia musun-na.

YESKIAL 39:1 ပူးပေါင်းရင်းမြစ်များ

MAZMUR 120:5

Soe ba'eneu au, nanahu au muse aso'da sama-sama o, o; sama-na leo, au leo nai Mesekh, do nai hataholi Kedar-ra tala'da.

YESAYA 24:21

Nai lelek ndia, neukose Manetualain huku basa manakoasa lalai maloa, ma mane-manek manai daebafak-kala.

YESKIAL 27:13

O dangan nai Yunani, nai Tubal ma nai Mesekh, fo o tuka o bua dangam-mala nenik sila atan-nala, ma bua-lo'as-sala, nanataok neme liti-a mai.

YESKIAL 32:26

Mesekh ma Tubal maten de latois nai naa, de solda'dun-nala loo-laten okokfefeo-lan. Sila basa-basas mate lai natee-natatik-ka dale, tehu nanasunat bei tak-kala. Lelek bei laso'da, leni bibii-namata'uk nai daebafak-ka.

YESKIAL 35:3

Mafa'da laun-nala, hata fo Au, Manetualain Fo Mademaina, nafa'da neus, ‘Emi musum-ma, nde Au ia, hai laun manai Edom letelepan-nala lemin! Neukose Au tao-a, emi daem-ma, ana da'di dae louk, de hataholi ta leo dalek fa, ma o kotam-mala, ala da'di ai batu manatapasasalak. Soona besak-ka emi bubuluk, mae Au nde Manetualain-na

YESKIAL 38:1

Manetualain nafa'da au nae,

YESKIAL 39:2

Neukose Au hela falik-kana, fo Au on kalua neme nusak-ka, doon-na seli nai kii, fo Au on leo Israel leten-nala neu.

HOSEA 2:18

Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

NAHUM 2:13

Manetualain Fo Manakoasa nafa'da nae, “O musum-ma nde Au ia. Neukose Au hotu heni o kaletam-mala. Neukose mate o solda'dum-mala nai musu dale, ma neukose Au ho'i-a basa hata fo o ho'i malas leme hataholi fe'ek-kala mai. Neukose ta lamanene o hataholi nadedenum-mala hala nonoken-nala so'on.”

NAHUM 3:5

Manetualain Fo Manakoasa, nafa'da nae, “Hai Niniwe, neukose Au fepa-li'u o! Au o'du akaholak o nai leoina-la matan, fo lita o tatao-nono'im fo maneni mamaek-ka.

NINITAK 20:8

fo neu ke'dindiu leoina manatapasasalak nai basa daebafa ka lala'ena, fo nde Gog ma Magog. Nitu tao nakabubuas fo latee-latati. Sila dede'u nala de'u solokaek manai tasi su'u na.