YESKIAL 38:8 - Susula Malalaok Hehelu Palak Ma Hehelu Beuk

⁸ Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

YESKIAL 38:8 ပူးပေါင်းရင်းမြစ်များ

KEJADIAN 49:1

Basa boema, Yakob naloo anan-nala, de nafa'da nae, “Makabubua mai ia, deka moo au. Au sanga afa'da emi, hata fo neukose emi la'ola'din nai fai makabuin:

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

YESAYA 24:22

Neukose sila basa-basas nanatao nakabubuak sama leo hataholi bui-la lai bolok dale, ma nanataok leo bui dale leu, losa fain-na losa, soaneu nanahukuk.

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

YESAYA 8:9

Hai basa leoina-la lemin, Makabubua no nggenggengek leona! Mamanene leon, hai daebafak-ka pe'dan-nala lemin! Maheheleaom leona, fo matee-mata'ti, tehu no dalek fo manadele ngge'be-ngge'bek! Hei, maheheleaom leona, tehu no dalek fo, manadele ngge'be-ngge'bek!

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

YEREMIA 30:3

Nana neukose fain-na losa, Au tao ahii Au anan Israel no Yehuda heheo-hihilun-nala. Neukose Au o falik-kasa lo nusak fo Au fen neu sila bei ba'ikai manamaten-nala. Neukose ala hapu falik nusak ndia. Au, Manetualain, nde manakokolak-ka.”

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YEREMIA 32:5

Makabuin-na neukose ala fua leni Zedekia lo Babel neu, fo leo nai naa losa au hukun. Leomae ana te-tati hataholi Babel-la, tehu ana ta nala fas. Au, Manetualain, nde manakokolak-ka.”

YEREMIA 33:16

Hataholi Yehuda-la ma Yerusalem laun-nala neukose nanasoi-po'ik ma laso'da no nene-lino-linok. Kota Yerusalem-ma neukose nanafoik na'de ‘Manetualain Soi-po'i Ita’.

YEREMIA 48:47

Te nai fai makabuin-na neukose Au tao atalolole nggolok Moab. Au, Manetualain nde manakokolak-ka!” Neukose Manetualain tao leondia neu Moab.

YEREMIA 49:39

Tehu fai makabuin-na Au tao atetu Elam. Au, Manetualain nde manakokolak-ka.”

RATAPAN 4:22

Sion nakalala'ok huhukun-na, soaneu sala-singok fo ana taok-ka so; besak ia, neukose Manetualain ta po'Ilotak ami ma neukose ta no seluk ami leo mamana tu'u-tapak dalek neu so'on. Tehu o, hai Edom, neukose Manetualain huku o. O sala-singom neukose nanabukak.

YESKIAL 28:26

Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

YESKIAL 34:13

Neukose, Au kaluahenis leme leoina-kala tala'da, ma leme nusa dea-la mai, boema Au foo akabubuas fo Au foo falik-kasa leo, sila nusan-na neu. Neukose Au foos lai Israel letelepan-nala lain, ma nai bafak-kala dalek, ma Au hela-noles leo mook fo na'un-na momo'dok leu.

YESKIAL 38:14

Hu ndia de Manetualain Fo Mademaina, nadenu au mai, soaneu anduku-alosak hala heheluk ia neu Gog nae, “Nai lelek Au anang Israel, naso'da no nee-nee lino-linok ma tetu-temak-ka, o mai sapu malas.

YESKIAL 38:16

Boema, o sapu-ma Au anang Israel, sama leo ani-sangu-a sa'e-na daebafak-ka. Metema fain-na losa soona, neukose Au adenu o, fo muu mangatuu-ma Au daeng-nga. Hai Gog, no Au tatao-nono'ing tunga o, de neukose leoina-kala bubuluk, see Au, fo nde Manetualain, fo malalao-malalafuk-ka.

YESKIAL 39:26

Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

BILANGAN 24:14

Boema Bileam nafa'da Balak nae, “Besak ia, au sanga fali leo au leoinang u. Tehu au beita la'o fa te, malole lenak au afa'da Tuan, la'eneu hata fo, nai fai makabuin, leoina Israel-la taon soaneu Tuan leoinan.”

ULANGAN 4:30

Metema, basa soe sila-la tuni-ndeni-la emi, ma emi nai toto'a-sosotak-ka dalek, soona neukose emi fali ma'im-ma, leo emi Manetualaim-ma mai, fo emi tungan.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.