YESKIAL 38:2 - Susula Malalaok Hehelu Palak Ma Hehelu Beuk

² “Hai hataholi daebafak fo, manasapu-manalalok-konei, soo-supa Gog fo, mane matuaina neme nusa Mesekh ma Tubal-la mai nai dae Magog-ka.

YESKIAL 38:2 ပူးပေါင်းရင်းမြစ်များ

KEJADIAN 10:2

Yafet anan-nala nde Gomer, Magog, Madai, Yawan, Tubal, Mesekh ma Tiras.

1 TAWARIKH 1:5

Yafet anatoun-nala nde Gomer, Magog, Madai, Yawan, Tubal, Mesekh ma Tiras. Hataholi sila nde been-na, leoina-la bei-ba'i kain-nala fo lokes tunga sila na'den-na.

MAZMUR 120:5

Soe ba'eneu au, nanahu au muse aso'da sama-sama o, o; sama-na leo, au leo nai Mesekh, do nai hataholi Kedar-ra tala'da.

YESAYA 66:19

Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

YESKIAL 2:1

“Hai, hataholi daebafak manasapu-laloko nei, fo'a mapadeik leona. Au ahiik kokolak o, o.”

YESKIAL 20:46

“Hai hataholi daebafak fo, manasapu-manalalok-konei, mete leo boboak kona muu leona! Kena-ka'i dae boboak kona, ma fe nula manai naa-la, nasanene'da mahelek.

YESKIAL 25:2

“Hai hataholi daebafak fo, manasapu-manalalok-konei, soo-supa nusa Amon-na.

YESKIAL 27:13

O dangan nai Yunani, nai Tubal ma nai Mesekh, fo o tuka o bua dangam-mala nenik sila atan-nala, ma bua-lo'as-sala, nanataok neme liti-a mai.

YESKIAL 32:26

Mesekh ma Tubal maten de latois nai naa, de solda'dun-nala loo-laten okokfefeo-lan. Sila basa-basas mate lai natee-natatik-ka dale, tehu nanasunat bei tak-kala. Lelek bei laso'da, leni bibii-namata'uk nai daebafak-ka.

YESKIAL 38:1

Manetualain nafa'da au nae,

YESKIAL 38:14

Hu ndia de Manetualain Fo Mademaina, nadenu au mai, soaneu anduku-alosak hala heheluk ia neu Gog nae, “Nai lelek Au anang Israel, naso'da no nee-nee lino-linok ma tetu-temak-ka, o mai sapu malas.

YESKIAL 38:3

Mafa'dan mae Au, Manetualain Fo Mademaina nde been-na, ndia musun-na.

YESKIAL 39:1

Manetualain Fo Mademaina, nafa'da nae, “Hai hataholi daebafak fo, manasapu-manalalok-konei, fe nasanene'da mahelek neu Gog, fo mane matuaina neme nusa Mesekh ma Tubal mai, ma mafa'dan mae Au ia, ndia musun-na.

YESKIAL 39:11

Manetualain nafa'da nae, “Metema basa sila-la, ala da'di soona, neukose Au fe Gog dae loo-latek nai Israel, fo nai Bafak Lelenak-ka, nai Tasi Mates-sa boboan dulu. Nai mamanak ndia nde, Gog no basa solda'dun-nala lala'en-na, neukose nananatoi-natonok, fo loke bafak ndia soona lae, ‘Gog Solda'dun-nala Doken-na’.

YESKIAL 39:6

Neukose Au fe ha'i-a na'a nai dae Magog-ka, ma nai tasi su'uk-kala, fo nai bee, laun-na laso'da no tetu-temak. Soona besak-ka ala bubuluk, lae Au nde Manetualain-na.

YESKIAL 6:2

“Hai, hataholi daebafak fo, manasapu-manalalok-konei, makanae leo Israel leten-nala neu, fo manduku-malosak Au hala hehelung fo, la'eneu sila huhukun-na.