YESKIAL 38:19 - Susula Malalaok Hehelu Palak Ma Hehelu Beuk

¹⁹ Ma no nasa manalua ponu-ponuk-ka, neukose Au fe nasanene'da mahelek, ae nai faik ia, neukose hapu dae manggengo matuaina, nai nusa Israel-la.

YESKIAL 38:19 ပူးပေါင်းရင်းမြစ်များ

MAZMUR 18:7

Lelek au nai toto'a-tataak-ka dalek, au aloo bou-bou neu Manetualain, au aloo neu au Manetualaing-nga, fo au oke tutulu-fafalik. Ana namanene au halang-nga, neme Uman dale mai, ma ana tao afik neu au dokodoeng-nga.

MAZMUR 18:8

Boema daebafak-ka nanggengo, ma ana dele, ma letek-kala huun-nala dele, ma laleuk, hu kande Manetualain nasa-melun.

MAZMUR 79:5

Ou Manetualain, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

YESAYA 42:13

Manetualain tutulumatak, de natee-natati sama leo palani tatibatu esa, sama leo solda'du esa, manggate nanseli natee-natatik-ka. Ana so'uk eeki natee-natatik-ka, ma natu'du balakain-na neu musu non-na.

YESAYA 42:15

Neukose Au tao-a letek ma pupukuk-kala, na'u ta moli fas, Au tao-a basa bubu'u-palusan ala male. Au tao asafali lee-a bafan-nala da'di moo solokaek, Au tao-a basa dano-la, ma'das.

YESKIAL 39:25

Manetualain Fo Mademaina, nafa'da nae, “Tehu besak ia, neukose Au sue-lai hataholi Israel fo, Yakob tititi-nonosin-nala, boema Au fes laso'da no tetu-temak seluk. No enok ndia, Au anea Au na'deng-nga, fo ela nanafe ha'da-holomata nahele.

YESKIAL 39:6

Neukose Au fe ha'i-a na'a nai dae Magog-ka, ma nai tasi su'uk-kala, fo nai bee, laun-na laso'da no tetu-temak. Soona besak-ka ala bubuluk, lae Au nde Manetualain-na.

YESKIAL 5:13

Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.

YOEL 2:18

Boema Manetualain taoafik neu dae-oen, ma sue-lai anan-nala.

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

ZAKHARIA 1:14

de ata nusa so'dak ndia, nadenu au anduku-alosak hata fo Manetualain Fo Manakoasa nafa'da nae, “Au sue-lai anseli, ma Au taoafik neu kota Yerusalem, fo Au kota malalao-lalafung-nga.

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

IBRANI 12:26

Nai lelek ndia, hala na tao nanggengek daebafa ka. Tehu besak ia Ana helu nae, “La'iesa seluk soona, neukose Au tao anggenge kana, ta ka'da daebafa ka mesa kana fa, tehu lalai a boe.”

IBRANI 12:29

Nana ita Manetualain ndia, sama leo ha'i fo manahotu naputu ka.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 16:18

Boema ndela sa tuti-nato ma ta'ta sa nata'ta, ma dae nanggengo matuaina. Beita la'iesa fo dae manggengo matak leondia ka ana da'di, mulai neme hataholi daebafa ka nananakadada'di kana. Dae manggengok ia nde bee na dae manggengok matuaina nanseli!

NINITAK 16:20

Basa pulu la mopos, ma basa lete kala boeo mopo kasa.