YESKIAL 38:13 - Susula Malalaok Hehelu Palak Ma Hehelu Beuk

¹³ Syeba ma Dedan laun-nala, boema basa manadangan manai nusa Spanyol-la kotan-nala, neukose latane o lae leo ia, ‘Ade o mai mo basa o solda'dum-mala mai, ka'da soaneu ala kalo ma lamanako lilopilas, lilofulak, bana-manu ma hata-heto, boema soaneu kalo meni basa sila-la do?’ ”

YESKIAL 38:13 ပူးပေါင်းရင်းမြစ်များ

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YEREMIA 15:13

Manetualain nafa'da neu au nae, “Neukose au haitu musu-a soaneu ho'i neni basa au anang-ngala su'i-beten-nala ma hata-heton-nala da'di lo huhukuk neu sala-singok fo sila tao basak nai nusak dale.

YEREMIA 50:17

Manetualain nafa'da nae, “Hataholi Israel-la sama leo bi'i lopo nanausik-kala ma nanabibinga-baba'ek neme meoasu-a mai. Makahulun-na manek Asyur de sapu-na sila, boema Nebukadnezar manek Babel-la napangge na sila duin-nala.

YEREMIA 51:38

Hataholi Babel-la langao sama leo meo asu-a.

YESKIAL 25:13

Hu ndia de, Au po'a-benga, ae neukose Au huku Edom, ma Au taoisa hataholi lala'en-na, ma basa bana-manu manai naa-la. Basa nusak ndia lala'en-na, mulai neme Teman losa leo kota Dedan-na neu, Au taon da'di nee-nee lino-linok; neukose mate laun-nala nai natee-natatik dale.

YESKIAL 27:12

O mase'o o bua-lo'a dangam makadotom-mala, nai Spanyol, fo ala tuka o bua dangam-mala, nenik lilofulak, besi, tima fulak ma tima nggeok.

YESKIAL 27:15

Laun Rodus-sala boeo, ala dangan loo o, ma laun manai tasi su'uk-kala, ala asa o bua dangam-mala nenik ngga'di dui, ma ai nggeok.

YESKIAL 27:20

Laun Dedan-nala, ala bae o bua-lo'am-mala nenik ne'ak sa'e ndala.

YESKIAL 27:25

Ala fua o bua dangam-mala, nenik ofa dangan matuaina-la, de ala la'ok latutungao. O sama leo ofak fo, fufuan-na namabela.

YESKIAL 32:2

“Hai hataholi daebafak fo, manasapu-manalalok-konei, fe nasanene'da mahelek neu Mane Masir-ra. Fo manduku-malosak Au hala hehelung-nga nde ia neun mae, ‘O heo-haam sama leo singa molisoluk-ka nai leoina-la tala'da, tehu o lupam-ma sama leo beis-sa naso'da nai oe dale. O tao kelupua basa lee lala'en-na oen-na nenik o eim-ma.

YOEL 3:8

Neukose Au ase'o heni emi anatou-anainam leo Yehuda laun-nala neu, fo neukose lase'o seluk-kasa leo Syeba, nusak fo nai dook-ka nanseli. Au, fo Manetualain, nde manakokolak-ka.

ZAKHARIA 11:3

Mamanene manakoasa-la kii-makaleleun leona, sila ua-nale malolen-nala mopok-kasa so! Mamanene singa-singa manai nula-la, langao; nana, nalutu sila mamana leleon fo ndolo-ndolo Lee Yarden-na su'un-na so.