YESKIAL 38:10 - Susula Malalaok Hehelu Palak Ma Hehelu Beuk

¹⁰ Manetualain Fo Mademaina, nafa'da Gog nae, “Nai hatematak ndia, neukose o tutu'u tao eno mangalauk.

YESKIAL 38:10 ပူးပေါင်းရင်းမြစ်များ

MAZMUR 139:2

O bubuluk au tatao-nono'ing lala'ena; O malelak au dudu'a-aafing, neme dook-ka mai.

MAZMUR 36:4

Dede'a-kokolan mangalauk-ka, ma henuk no tipu-daik-ka, ana ta tao dede'a malole, ma manatee-tenok so'on.

AMSAL 12:2

Hataholi malole-a, Manetualain nahiik-kana; tehu hataholi manatutu'u eno mangalauk-ka, neukose ana sipo huhukuk.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

AMSAL 6:14

Dudu'a-aafin kaboo-kabalik, dalen-na henuk no tutu'u eno mangalauk, ma neni nale'a-napilik nai mamanak lala'en-na.

YESAYA 10:7

Tehu mane Asyur-ra, nanuu dale tutu'u mesan. Naketu basa nai dalen dale soaneu ana pake balakaik fo ana tao namopo-namate leoina makadotok.

YESKIAL 11:5

Basa boema Manetualain Duladalen-na poti-na au, de Manetualain nadenu au, fo au afa'da hataholi Israel-la ae, “Hai leoina Israel-la, Au bubuluk hata fo emi mafa'dan, ma hata fo emi tutu'un nai emi dalem dale.

MIKHA 2:1

Soe ba'eneu hataholi fo ana tutu'u eno mangalauk, nai lelek fai la'odaen-na nangape'uk nai pepe'uk lain, boema ana taon nai fai fafain-na, nanahu lanuu be'i-balakaik soaneu ala tao-no'i tatao-nono'ik ndia.

MARKUS 7:21

Nanahu neme dalek mai, fo nde neme dalen dale mai, dudu'a-aafi mangalau kala moli da'di, fo sila nde tao la hataholi a sosoa-piao, namanako, nanisa,

YOHANIS 13:2

Yesus no ana manatunga nala bei la'a-linu le'odaek, te nitu nadai basa dudu'a mangalau ka nai Yudas fo Simon Iskariot ana na dalen dale, fo sue ka nde ana ke'dindiu Yesus.

HATAHOLI 5:3

Nini doi kala neu boema, Petrus nafa'dan nae, “Ananias, te tao le'e de o po'ilotak Nitu koasa o dale ma, de nalosa o masapepeko neu Manetualain Dula Dale na no denge-dengek. O ho'i ma o mase'o dae a doi na seli fo o paken neu o paluu ma?

HATAHOLI 5:9

Boema Petrus naen nae, “Te tao le'e de, o mo o saotou ma mala halak fo emi so'ba Amak Manetualain Dula Dale na? Mamanene ha! Te hataholi fo leu latoi o saotou ma, ala fali ma'is so. Neukose ala ndolo o leo deak neu leondiak boe.”

HATAHOLI 8:22

Hu ndia de tu'u-tapaheni o dudu'a-aafi mangalaum ndia leona, fo moke neu Lamatua ka fo daenga Ana fe do'o do ampon neu o dudu'a-aafi manga laum ndia!

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.