YESKIAL 37:9 - Susula Malalaok Hehelu Palak Ma Hehelu Beuk

⁹ Boema Manetualain nafa'da au nae, “Hai hataholi daebafak fo, manasapu-manalalok-konei, kokolak moo anin-na. Mafa'da mae Au, Manetualain Fo Mademaina, nafa'da neun, fo ela ana mai neme bu'u-bu'uk lala'en-na mai, fo ana fuu ani hahaek leo aopaa manamatek sila-la dalek neu, fo daenga ala laso'da falik.”

YESKIAL 37:9 ပူးပေါင်းရင်းမြစ်များ

MAZMUR 104:30

Tehu metema, O fes ani hahaek soona, sila nananakadada'dik; O fe so'da beuk neu daebafak-ka.

KIDUNG AGUNG 4:16

Hai anin kii, fo'a leona, hai anin kona, mai leona! Filo-filo nai au osing dale, nemen-na, fo naboomeni. Sa'di tao leo bee fo au inaana susueng-nga neu leo osin dale neu, fo na'a ai boa mala'da hiin-nala.

YESKIAL 37:14

Neukose, Au fuu ani hahaek leo sila aoinan-na dale neu, fo Au tao aso'das, boema Au fes ala leo lai sila nusan-na. Soona besak-ka ala bubuluk, lae Au nde, Manetualain-na. Au, fo Manetualain nde manakokolak-ka, de tao leo bee-o, neukose nanatao natetuk.”

YESKIAL 37:4

Boema Manetualain nadenu au, fo au anduku-alosak hala hehelun-na neu dui tuuk sila-la nae,

YESKIAL 37:5

“Au Manetualain Fo Mademaina, fuu ani hahaek leo emi aoinam dale neu, fo ela emi maso'da falik.

YESKIAL 37:8

Lelek au mete atalololes te, duik sila-la mulai mauak ma maisik, boema malouk boe, tehu aopaak sila-la, ala beita hae fa.

DANIAL 11:4

Tehu losa fai matua-mademan mate'en-na soona, neukose nusan-na heaba'en fo nanababa'ek da'di baba'ek 4. Mane-manek fo ndia tititi-nonosin ta sila fa, neukose ala paleta nggatin, tehu be'i-balakain-nala ta sama no fan.

HOSEA 13:14

Neukose, Au ta soi-tefa leoina ia, neme hataholi manamatek-kala daebafan-na mai fa. Hai mamates, nggali o he'di-laum mai leona! Makalala'ok o tatao-nono'im fo maneni nakalulutuk ndia leona! Nana, Au ta sue-lai leoina ia so'on.

ZAKHARIA 6:5

Nataa nae, “Metema, lasasalematak basa loo Manetualain fo manamakadada'dik lalai maloa soona, leu leo bu'u 4 leu.

YOHANIS 3:8

Ani na, ana hii leo bee neu soona, ka'da neu-neu mesan, fo ita tamanene ka'da ngguu na, tehu ita ta bubuluk neme bee mai, fo ana leo bee neu a fa. Leondiak boe, no hataholi fo nanabongik neme Manetualain Dula Dale na mai.”

NINITAK 10:11

Basa boema ala paleta au lae, “Tui-benga la'iesa seluk Manetualain halan la'eneu leoina la, nusaina la, dede'a kala, ma mane-mane kala.”

NINITAK 11:11

Basa faik telu seselik boema, ani hahae ka neme Manetualain mai de ana masok seluk leo nabi kaduak sila la dalek neu. Boema ala fo'a lapadeik de nalosa basa hataholi manita sala, ala bii lanseli.