YESKIAL 37:6 - Susula Malalaok Hehelu Palak Ma Hehelu Beuk

⁶ Au fe emi uak ma isik, boema Au potiketu emi nenik louk. Neukose Au fe emi ani hahaek, fo emi maso'da. Soona emi bubuluk, mae Au nde Manetualaim-ma.”

YESKIAL 37:6 ပူးပေါင်းရင်းမြစ်များ

KEJADIAN 2:7

Basa boema, Manetualain ho'i-na dae faa anak, de Ana taon-nan, nalupa hataholi esa, boema Ana fuu, ani hahaek fo maneni maso'dak-ka leo pana bolon dale neu; boema hataholi ndia, naso'da leona.

1RAJA-RAJA 20:28

Boema nabi esa mai leo Mane Ahab-pa de nafa'da nae, “Manetualain nafa'da ka nde ia: ‘Hu kande hataholi Siria sila-la laedaenga Au koasan-nai ka'da letelepan-na te ta nai masadoke na fa, de neukose Au fe o sengi sila solda'du makadotoinan sila-la. O ma o laum-mala, neukose bubuluk mae Au nde Manetualain na.’ ”

MAZMUR 104:30

Tehu metema, O fes ani hahaek soona, sila nananakadada'dik; O fe so'da beuk neu daebafak-ka.

KELUARAN 6:3

Au boeo tao hehelu-balataak os boe. Au helu ae neukose Au fes nusa Kanaan-na, nusak fo makahulun-na, ala leo da'di leo hataholi manamai.

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESKIAL 11:10

Neukose, emi mate nai natee-natatik dale, nai emi nusam dale, soona besak-ka emi bubuluk, mae Au nde Manetualain-na.

YESKIAL 11:12

Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”

YESKIAL 20:38

Basa malenalanga-masa'basook-kala ma manatao tatao-nono'i mangalauk-kala, neukose Au usihenis leme emi tala'daheom mai. Neukose, Au os kalua leme, besak ia ala leo lai nusa-nusak-kala mai, ma Au ta fes loak, fo ala fali leo dae Israel-la leu so'on. Soona besak-ka ala bubuluk, lae Au nde Manetualain-na.”

YESKIAL 32:15

Metema Au tao Masir da'di moo solokae louk, boema Au tao amate-amopo basa hata fo manaleo manai ndia soona, neukose ala bubuluk, lae Au nde Manetualain-na.

YESKIAL 34:27

Neukose ai-la laboa, tina-osi fe buna-boa malole, ma basa hataholi-la, neukose ala leo no nee-nee lino-linok nai sila daen dale. Metema, Au tao ketu namosina fo, manapa'a Au anang-ngala, ma Au soi-tefa alas leme hataholi fo, manataos da'di ata mai soona, besak-ka ala bubuluk, lae Au nde Manetualain-na.

YESKIAL 35:12

Soona besak-ka emi bubuluk mae Au, fo Manetualain, amanene basa emi hakinonolim-ma, nai lelek emi mafa'da mae, Israel leten-nala louk so, ma nanafek leo ita mai, fo da'di ita nana'an.

YESKIAL 35:15

sama leo emi boeo mamahoko, nai lelek emi mita Israel da'di dae louk. Seir leten-nala, nakalenak basa dae Edom-ma lala'en-na, neukose ana da'di dae louk. Soona besak-ka basa hataholi-la, neukose ala bubuluk lae Au nde, Manetualain-na.’ ”

YESKIAL 35:9

Neukose Au tao nusam-ma, ana da'di moo maloaina, losa dodoon-na, ma hataholi ta leo lai o kotam-mala so'on. Soona besak-ka emi bubuluk, mae Au nde Manetualain-na.

YESKIAL 37:14

Neukose, Au fuu ani hahaek leo sila aoinan-na dale neu, fo Au tao aso'das, boema Au fes ala leo lai sila nusan-na. Soona besak-ka ala bubuluk, lae Au nde, Manetualain-na. Au, fo Manetualain nde manakokolak-ka, de tao leo bee-o, neukose nanatao natetuk.”

YESKIAL 38:23

No enok ndia, neukose Au atu'du neu basa leoina lala'en-na, ae Au ia matua-madema, ma malalao-malalafuk. Soona besak-ka ala bubuluk, lae Au nde Manetualain-na.”

YESKIAL 39:22

Mulai neme hatematak ndia mai, neukose hataholi Israel-la, ala bubuluk, lae Au nde, sila Aman Manetualain-na.

YESKIAL 39:28

Soona besak-ka, Au anang-ngala bubuluk, lae Au nde sila Aman Manetualain. Nana Au nde haitua sila leo mamana tu'u-tapak neu, tehu Au boeo, nde o falik-kasa leo sila nusan-na neu, no ta la'oela sila hataholin esa boen, nai mamana tu'u-tapak fa.

YESKIAL 39:6

Neukose Au fe ha'i-a na'a nai dae Magog-ka, ma nai tasi su'uk-kala, fo nai bee, laun-na laso'da no tetu-temak. Soona besak-ka ala bubuluk, lae Au nde Manetualain-na.

YESKIAL 6:13

Neukose hataholi manamatek-kala, lalefu-le'ak lai sosongo-tatangok-kala tala'da, ma lai mei tunu-hotuk-kala boboa-kaisun, beelenga basa pupukuk mademaina-la poin-na, ma lai basa letek-kala poin-na, lai ai doo manaleloakak-kala huun-na, ma lai basa ai matuaina-la huun-na; dede'a keke'un-na, su'di nai mamanak bee, fo ala tunu tutunu-hohotuk fe sila sosongo-tatangon soona, hapu mamates nai ndia. Soona besak-ka basa hataholi-la, ala bubuluk lae Au nde Manetualain-na.

YESKIAL 6:7

Nai mamanak lala'en-na, hapu hataholi nanataonisak nai ndia, soona hataholi bei maso'dak-kala, neukose ala bubuluk, lae Au nde Manetualain-na.

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YOEL 2:27

Boema emi bubuluk leon hai Israel, te Au nai emi tala'da heom, ma bubuluk mae, tete'ek-ka Au nde been-na, Manetualain, fo emi Manetualaim. Ta hapu fe'ek so'on, te ka'da Au mesang-nga. Neukose, ta lakamamaek Au anang-ngala so'on!”

YOEL 3:17

“Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.

ULANGAN 29:6

Emi lotin ta, de emi ta mi'a fa, ma angol ta, de emi ta minu fa, ma emi ta minu ala-lalu fa, tehu Manetualain fe emi basa hata fo, emi paluun, fo ela emi bubuluk, mae Ndia nde, emi Manetualaim-ma-na.