YESKIAL 33:9 - Susula Malalaok Hehelu Palak Ma Hehelu Beuk

⁹ Metema o fe hataholi mangalauk ndia nasanene'dak, tehu ana ta nau hahae tao, tatao-nono'i managalauk fa soona, neukose ana mate da'di leo hataholi masala-masingok, tehu neukose o maso'da.”

YESKIAL 33:9 ပူးပေါင်းရင်းမြစ်များ

AMSAL 15:10

Hataholi manatao tatao-nono'i mangalauk-ka, neukose nanatao doidosok; ma hataholi fo ana ta nau ka'i fan-na, neukose maten.

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

YESKIAL 3:19

Metema, o fe hataholi mangalauk ndia nasanene'dak, tehu ana ta nau tukatei-saledale fa, de ana mate sama leo hataholi masala-masingok, tehu neukose o maso'da.

YESKIAL 3:21

Metema, o fe hataholi malole ndia nasanene'dak, fo ana tunga o nanoli-nafa'dam, soona neukose Au ta huku hataholi ndia fa, ma neukose o maso'da.”

YESKIAL 33:3

Metema, manamanea ndia nita musu-a mai soona, ana fepa meko-a, fo ana fe nasanene'dak neu laun-na.

YESKIAL 33:4

Ba'eneu see fo, namanene meko-a nalii, tehu ana ta taoafik neu hala nasanene'dak ndia fa, de musu-a mai, boema ana taonisan, soona hataholi ndia mate, nanahu salan-na. Leouni'ka, ana taoafik neu hala nasanene'dak ndia soona, tao leo bee-o naso'da.

YESKIAL 33:6

Nasafalinna, metema manamanea ndia nita musu-a mai, tehu ana ta fepa meko-a, fo ana fe nasanene'dak neu laun-na fa, boema musu-a taonisa hataholi masala-masingok sila-la soona, neukose Au oke manamanea ndia, ana fe natataak la'eneu hataholi sila-la mamaten-na.

LUKAS 12:47

Malalau-maoono fo ana bubuluk tua na hihii-nanaun, tehu ta nahehele aon, ma ta tao-no'i tuan ndia hihii-nanaun fa soona, neukose nanafilu nahe'dik.

YOHANIS 8:24

Hu ndia de, Au afa'da emi te, neukose emi mate nai emi sala-singo mala dalek. Boema memak neukose emi mate nai emi sala-singo mala dalek, metema emi ta mamahele, ‘Au Nde Ndia, fo lafa'da lae, AU NDE NDIA.’ ”

HATAHOLI 13:40

Hu ndia de emi muse manea matalolole, fo boso nalosak hata fo nabi la lafa'dak ia, ana tu'da la'e emi. Nabi la lafa'da lae leo ia,

HATAHOLI 13:41

‘Manea matalolole, hei emi fo hataholi mana hii ka'da makamumulu-makamamae kala lemin! Neukose emi dodoo doa kana, fo mateheni mala! Nana nai le'dofai besak ia, Au bei tao hata esa, fo neukose emi ta mamahele fan, leomae hapu hataholi nafa'da mangalele'don neu emi boe.’ ”

HATAHOLI 13:46

Tehu Paulus no Barnabas boetai lapani seluk, de ala kokolak no le'do-le'dok lae, “Memak Manetualain dede'a-kokolan muse nanananduku-nalosak nakahuluk neu emi. Tehu, hu ka nde emi ta nau sipo kana fa de emi nde maketu aom mae, emi ta mandaa sipo so'da matetu ka, ma mana ketu basa ta ka fa. Hu ndia de ami meu lo leoina fe'e kala meu.

HATAHOLI 20:26

Hu ndia de, faik ia au afa'da emi te metema nai emi basa-basa mala ia, nggelok hapu momopo-mamates soona, au salang ta ndia fa.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.