YESKIAL 33:8 - Susula Malalaok Hehelu Palak Ma Hehelu Beuk

⁸ Metema Au afa'da, ae neukose mate hataholi mangalauk esa, tehu o ta fen nasanene'dak fo ana tukatei-saledale, fo ela ana hapu so'dak, soona ana mate bei da'di leo hataholi masala-masingok. Tehu neukose, Au oke natataak neme o mai, la'eneu hataholi ndia mamaten-na.

YESKIAL 33:8 ပူးပေါင်းရင်းမြစ်များ

KEJADIAN 2:17

ta'da fe'e ai fo, manafe malelak la'eneu beek-ka nde malole, ma beek-ka nde magalauk-ka. O ta bole mu'a boan-na fa; nana metema o mu'a boan-na soona, tao leo bee-o, neukose mate o, faik ndia boe.”

KEJADIAN 3:4

Menge ndia nataa nae, “Ndia ta la'e fan; neukose ta mate emi fa.

AMSAL 11:21

Hataholi mangalauk-ka, tao leo bee-o, ana hapu huhukuk; tehu hataholi malole-a, neukose naso'da.

PENGKHOTBAH 8:13

Nasafalin-na, hataholi mangalauk-ka hapu toto'a-tataak makadotok. So'dan-na sapu-lalo no lai-laik, sama leo salaok-ka. Neukose ana matenulak nanahu ana ta tunga ndia Manetualain-na fa.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESKIAL 18:18

Nasafalin-na, aman fo ana hii ka'da tipu-dai, namanako, ma ana tao tatao-nono'i mangalauk fe'ek-kala, neukose maten, hu kande sala-singon-nala.

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YESKIAL 18:4

Hataholi lala'en-na, samanen-na nde been-na, Au nuung, nau ina-amak samanen-na, do anan-nala samanen-na boe. Hataholi masala-masingok-ka, neukose nde ndia mate-a.

YESKIAL 3:18

Metema, Au afa'da ae neukose mate hataholi mangalauk esa, tehu o beita fen nasanene'dak fo ana tukatei-saledalen-na, fo ela ana hapu so'dak, soona neukose ana mate, sama leo hataholi masala-masingok, de o nde lu'a-lepa hataholi ndia mamaten-na.

YESKIAL 33:14

Bole da'di, Au fe basa hataholi masala-masingok-ka nasanene'dak, ae neukose maten. Tehu metema, ana hahae tao sala-singok, fo ana mulai tao tatao-nono'i malole ma ndoos sama leo, ana fe falik hataholi bua nggangga'den-na, do namanako-na bua-lo'as-sala, boema ana tunga hoholo-lalanek fo maneni maso'dak-ka, soona neukose ta mate fan.

YESKIAL 33:6

Nasafalinna, metema manamanea ndia nita musu-a mai, tehu ana ta fepa meko-a, fo ana fe nasanene'dak neu laun-na fa, boema musu-a taonisa hataholi masala-masingok sila-la soona, neukose Au oke manamanea ndia, ana fe natataak la'eneu hataholi sila-la mamaten-na.

BILANGAN 27:3

“Ami amam maten neme moo solokaek-ka, tehu anatoun ta. Ana ta tunga Korah, fo manalena-la'ban Manetualain paletan-na ndia fa. Ami amam ndia maten, nanahu sala-singon mesan-na.