YESKIAL 32:9 - Susula Malalaok Hehelu Palak Ma Hehelu Beuk

⁹ Nai lelek Au po'a-benga halak la'eneu o mamatem-ma, nai nusa-nusak fo, o beita malelak-kasa fa soona, neukose dalen-nala ta tesa-tama fa.

YESKIAL 32:9 ပူးပေါင်းရင်းမြစ်များ

KELUARAN 15:14

Leoina-la lamanene, de ala dele bengge'be; hataholi Filistin-nala ma basa mauli-malanga Edom-mala lakalupu-lakasee. Hataholi Moab mabe'i-balakaik-kala dele ngge'be-ngge'be hataholi Kanaan-nala dalen-nala ba'ihana.

YESKIAL 27:29

O hataholi tasi-mala, ala kona la'oela ofak ndia, de ala kae leo dae ma'dak lain leu.

YESKIAL 28:19

Basa leoina fo manalalelak o-a, ala nggenge-la, nanahu ala bii, boso nalosak sila ua-nalen leondiak boe.”

YESKIAL 29:12

Neukose, Au tao-a Masir, da'di dae louk, nalosa nai nusa louk fe'ek-kala, Masir nde louk nanseli. Nai teuk haahulu dalen-na, kota-kota manai Masir-ra, neukose lalupa leo ai-batu manatapasasalak lena heni kota lala'en-na. Neukose, Au tao leoina Masir-ra, da'di hataholi manamai nusa fe'ek. Neukose, ala tapasasala leo basa nusak lala'en-na leu, fo ala leo lai leoina fe'ek-kala tala'da.”

YESKIAL 30:23

Neukose, Au tao tapasasala hataholi Masir-ra, leo basa daebafak-ka lalaena neu.

YESKIAL 30:26

Neukose, Au fe hataholi Masir-ra, ala tapasasala leo basa daebafak-ka lala'en-na neu. Soona besak-ka ala bubuluk, lae Au nde Manetualain-na.”

YESKIAL 30:9

Metema faik ndia, ana losa, ma Masir nakalulutuk soona, neukose Au adenu hataholi-la loo ofak-kala leu, fo ala tao langgengek hataholi Sudan-nala, soona neukose ala bii-lamata'u. Tete'ek-ka, neukose faik ndia, ana mai!”

NINITAK 11:18

Leoina la fo ta nalelak Lamatua ka, ala tao musu nana fai na losa O po'a O nasa-melum, ma fai na boeo losa O maketu-mala'di hataholi manamate kala. Fai na nde ia, soaneu fe nggadi neu O ata mala, nabi la, ma neu basa O hataholi kamahehele mala, fo nde basa hataholi fo ala hule-haladoi neu O, nau matua do ana boe. Ia nde fai na soaneu tao nakalulutuk hataholi-hataholi fo manatao nakalulutuk daebafa ka!”