YESKIAL 32:7 - Susula Malalaok Hehelu Palak Ma Hehelu Beuk

⁷ Nai hatematak fo Au tao amate-amopo o, neukose Au potiketu lalai-a, ma Au fe ko'de ndenuk-ka, poti-na nduuk-kala. Neukose Au afuni le'do nai ko'as-sa selik, ma neukose bulak-ka ta nasalaa fa.

YESKIAL 32:7 ပူးပေါင်းရင်းမြစ်များ

AYUB 9:7

Manetualain bisa kena-ka'i le'do tii nai fai fafain-na, ma Ana ta fe nduuk-kala, lasalaa nai fai le'odaen-na fa.

AMSAL 13:9

Hataholi manatao dede'a malole-a, nono'kabai mandela-masa'ak-ka; tehu hataholi mangalauk-ka, nono'kabai banu manamatek-ka.

PENGKHOTBAH 12:2

Metema faik ndia losa soona, o matam-ma keluha'buk, nalosa le'do, bulak nduuk keluha'buk. Ko'as masakoko'ak fo u'dan-na sanga mai-a, no nahele o, nono'kabai ana fe nasanene'da mahelek.

YESAYA 13:10

Neukose basa nduuk ma nduu bubuak-kala ta lasalaa fa; neukose le'do ta nasalaa nai lelek ana tii, ma neukose bulak-ka ta nasalaa so'on.

YESAYA 34:4

Le'do-a, bulak-ka, ma nduuk-kala, neukose lakalulutuk. Neukose nduuk-kala tu'da, sama leo akidook-kala tu'da bepoko leme ai lain mai.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YESKIAL 30:18

Nai faik fo, Au tao ate'e Masir paletan-na, ma Au ho'i-a koasan-na soona, neukose makahatuk-ka poti-na kota Tahpanhes-sa, ma inan-nala, neukose nanafoo nenik

YESKIAL 31:15

Manetualain Fo Mademaina, nafa'da nae leo ia, “Metema ai ndia, ana kona leo hataholi manamatek-kala mamanan-na neu soona, Au adenu oe manai dae dale-a, fo ala enen da'di leo ta'du-tana manasusak. Neukose Au akaneteisa lee-la, fo ala boso faa, ma Au bakate'teisa, lee anak-kala. Hu kande, ai ndia maten so, de neukose Au fe makahatuk-ka poti-na basa letek Libanon-nala, ma ana tao-na, basa ai manai nula dale-la, ala male.

YESKIAL 34:12

sama leo manafoo esa, ana sanga bi'ilopon-nala, fo ana foo nakabubua manatapasasalak-kala, boema nakabobois. Neukose Au foo falik-kasa leme mamanak fo, nai bee ala tapasasala, nai faik fo nasakoko'a ma makahatuk ndia.

YOEL 2:10

Lelek ala bei tutulumatak te, daebafak-ka dele, ma lalai-a boeo, ana dele. Boema le'do ma bulak-ka makahatuk, ma nduuk-kala ta lasalaa fa.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

YOEL 2:31

Neukose le'do makahatuk ma bulak-ka da'di pilas sama leo daak-ka. Basa sila-la, neukose ala da'di te Manetualain fain fo neni bibii-namata'u matuaina ndia, beita losa fa!

YOEL 3:15

Le'do ma bulak-ka neukose makahatuk, ma nduuk-kala ta lasalaa so'on.”

AMOS 8:9

Neukose fain-na losa, Au fe le'do tenak nai lelek le'dohana, ma daebafak-ka makahatuk nai fai lele'don-na. Au, Manetualain Fo Mademaina, kokolak ae leo ndia.

MATEOS 24:29

“Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

MARKUS 13:24

“Basa le'do fai susa-soe ndia soona, neukose le'do da'di makahatuk, ma bula ka ta nasalaa so'on.

LUKAS 21:25

“Meten te neukose hapu ta'du-tana nai le'do a, bula ka, ma nduu kala. Nai daebafa ka, leoina la neukose ala bii ma lapangamak lasasale matak lo lii mapoponu ka.

NINITAK 8:12

Ata nusa so'da kaha ana puu pupuu na boema, le'do a, bula ka, nduu kala baba'ek esa neme baba'ek telu nanafapak de nalosa mangale'do nala mopos. No enok ndia, lele'do ka baba'ek esa neme baba'ek telu ta mangale'dok fa, leondiak boe le'odae ka baba'ek esa neme baba'ek telu.