YESKIAL 32:30 - Susula Malalaok Hehelu Palak Ma Hehelu Beuk

³⁰ Basa maneana nusak kii-la, lai naa, leondiak boe, hataholi Sidon-nala. Makahulun-na, sila koasan-na neni bibii-namata'uk, tehu besak ia, no mamaek ma nanasunat tak, ala kona leo hataholi manamatek-kala mamanan-na leu, sama-sama loo hataholi manamatek manai natee-natatik-ka dalek. Ala mate nai naa, ma ala lu'a-lepa sala-singok, sama-sama loo hataholi manakona leo hataholi manamatek-kala mamanan-na leu.

YESKIAL 32:30 ပူးပေါင်းရင်းမြစ်များ

YEREMIA 1:15

Neukose Au adenu basa leoina manai boboak kii-la, ala mai, fo ala koasa Yerusalem. Neukose ala loso-la, papala nanadamak fo manaokofefeo-la kota ia, boema lelesuinan-nala, ma basa kota-kota manai Yehuda-la.

YESKIAL 26:20

Boema Au haitua o leo, hataholi manamatek-kala mamananna neu, fo makabubua moo hataholi makahulun eli-la. Au po'ilotak o, mahele meme hataholi manamatek sila-la mamanan-na, fo nai ai-batu manatapasasalak manaketu-basa taak-ka, tala'daheon, ma sama-sama moo hataholi manamatek-kala Soona neukose hataholi ta leo o daem-ma so'on, ma neukose, o ta nanalekek nai hataholi maso'dak-kala dalek so'on.

YESKIAL 28:10

Neukose o mate sama leo hataholi matasi'da-matasaek, nanahu hataholi fo ta lalelak Manetualain-na, nde taolisa o. Au, Manetualain Fo Mademaina, nde manakokolak-ka.”

YESKIAL 28:21

“Hai hataholi daebafak fo, manasapu-manalalok-konei, soo-supa kota Sidon-na.

YESKIAL 28:23

Neukose Au fe he'di-laus mai, de nemen-na fo, daak-ka faa nai o enom-mala lain. Neukose musu-a, ana sapu-na o neme mamanak lala'en-na mai, fo ala taolisa o laum-mala. Soona besak-ka o bubuluk, mae Au nde Manetualain-na.’ ”

YESKIAL 38:15

O la'o meme o mamana leleom-ma nai kii, fo doon-na seli, ma solda'du palani makadotok ala tunga o. Solda'du sila-la, solda'du manasa'e ndala mesa-mesan leme leoina mata-matak-kala mai.

YESKIAL 38:6

Basa palani tatibatu-la leme nusak Gomer ma Bet-Togarma nai kii, ala mai sama-sama loon, ma leoina fe'ek makadotok, ala tunga boe.

YESKIAL 39:2

Neukose Au hela falik-kana, fo Au on kalua neme nusak-ka, doon-na seli nai kii, fo Au on leo Israel leten-nala neu.