YESKIAL 32:22 - Susula Malalaok Hehelu Palak Ma Hehelu Beuk

^22-23 Asyur maten de latoin nai naa, de solda'dun-nala laten-na, okofefeo-lan. Sila basa-basas, mate lai natee-natatik dale. Sila laten-nala, nai hataholi manamatek-kala mamanan-na, bui mate'en-na. Lelek bei laso'da, leni bibii-namata'uk nai daebafak-ka.

YESKIAL 32:22 ပူးပေါင်းရင်းမြစ်များ

YESAYA 14:25

Neukose Au tao amopo-amate hataholi Asyur manai Au nusang Israel-la, ma neukose Au heheta-aa'i manai letek-kala. Neukose Au soi-po'i Au leoinang, neme tuni-ndenik-ka mai, ma neme lelepak fo hataholi Asyur-ra lakasetis ala lu'a-lepan.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESKIAL 27:23

Kota Haran, Kane, Eden, manadangan-nala leme Syeba mai, kota Asyur ma Kilmad, basa-basas dangan loo o.

YESKIAL 32:24

Elam maten de latoi nai naa, de solda'dun-nala laten-na okofefeo-lan. Sila basa-basas mate lai natee-natatik-ka dale, tehu nanasunat bei tak-kala, boema ala kona leo hataholi manamatek-kala, mamanan-na leu. Lelek bei laso'da, leni bibii-namata'uk, tehu besak ia, mates so, de muse ala lu'a-lepa mamaek-ka, sama-sama loo hataholi manamatek manai natee-natatik dale-la.

YESKIAL 32:26

Mesekh ma Tubal maten de latois nai naa, de solda'dun-nala loo-laten okokfefeo-lan. Sila basa-basas mate lai natee-natatik-ka dale, tehu nanasunat bei tak-kala. Lelek bei laso'da, leni bibii-namata'uk nai daebafak-ka.

NAHUM 1:14

Manetualain nakeketun la'eneu leoina Asyur-ra nde ia: “Neukose ketu sila tititi-nonosin fo sila tititi-nonosin, ta lamade'u-lamaba'u fa. Neukose Au tao akalulutuk dodoki-dudulak sosongok manai lamatua daebafan-nala uman dale. Au sadia basa leoina Asyur-ra bolo mamaten-na so, nana sila ta landaa laso'da fa!”

BILANGAN 24:24

Tehu neukose ofak bubuak esa, ala mai leme Siprus mai, fo neukose ala lasengi Asyur ma Heber, basa soona, ofu bubuak ndia neukose mopo-mates boe.”