YESKIAL 32:11 - Susula Malalaok Hehelu Palak Ma Hehelu Beuk

¹¹ Manetualain Fo Mademaina, nafa'da mane Masir-ra nae, “Mane Babel-la, neukose ana leleuk tafainan-na, leo o neu.

YESKIAL 32:11 ပူးပေါင်းရင်းမြစ်များ

YEREMIA 43:10

Boema mafa'da neus mae Au, Manetualain Fo Manakoasa, fo Israel Manetualain-na, neukose no Au atang Nebukadnezar fo manek Babel-la lo mamanak ndia neu. Ma neukose ana napadedeik kandela menen-na nataba lala-tema manapaletan-na nai batu fo o selek lo dae dale sila lain.

YEREMIA 46:13

Nai lelek Nebukadnezar fo manek Babel-la mai sapun-na Masir, boema Manetualain kokolak neu au nae,

YESKIAL 26:7

Manetualain Fo Mademaina, nafa'da nae, “Hai Tirus, neukose Au o Mane Nebukadnezar-ra neme Babel mai, fo ana sapu-na o. Manek fo be'i-balakain ba'un-na seli ndia, neukose ana mai neme kii mai, fo no solda'du bubuaina esa loo ndala makadotok, ma kaleta musu-la, boema solda'du manasa'e ndala-la.

YESKIAL 29:19

Hu ndia de, Au Manetualain Fo Mademaina, afa'da ae: Neukose Au fe dae Masir-ra, leo Mane Nebukadnezar-ra neu. Neukose namanako, ana kalo, ma ana foo neni la'iesak Masir su'i-beten, fo da'di neu ndia solda'dun-nala, ngga'din-na.

YESKIAL 30:4

Neukose Sudan hapu soe matuaina. Neukose natee-natatik-ka, ana da'di nai Masir. Hataholi mates-sala, neukose beseleka neuk-ka; Nakodaa-la, lamanako nai nusak-ka lala'en-na, ma ala tao lakalulutuk nusak-ka.

YESKIAL 31:11

Hu ndia de, Au ta sipok-kana fa, de neukose Au fen leo manakoasa nusa dea-la neu, fo neukose ala taon, nandaa no tatao-nono'i mangalaun-nala.