YESKIAL 31:9 - Susula Malalaok Hehelu Palak Ma Hehelu Beuk

⁹ Au tao-a ai ndia, te'e-te'e manahiik nenik ndana makahuhupun-nala. Basa ai manai osi Eden-na, fo Manetualain osin-na dalek, ala ta hii mete ai ndia fa.

YESKIAL 31:9 ပူးပေါင်းရင်းမြစ်များ

KEJADIAN 13:10

Lot nakanae leo boboa-kaisun neu, boema nita la'iesak Bafak Yarden-na lala'en-na, losa leo kota Zoar-ra neu, fo oen-na makadotok, sama leo nai Manetualain Osin-na, do sama leo dae Masir-ra. (Ndia te, Manetualain beita tao namopo Sodom ma Gomora kotan-nala fa.)

KEJADIAN 26:14

Hataholi Filistin ala dalen-nala ta malole loo fan nanahu atan ba'uk-ka, bi'ilopo, sapin makadotok nanseli.

KEJADIAN 37:11

Yusuf ka'an-nala lape'da dalek neun, tehu aman dodoo nahele me'is ndia.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

AMSAL 27:4

Nasa-meluk ndia, ta nanuu dale susue lalaik fa, te neni nakalulutuk, tehu see nakatatakak, metema nasasalematak no nape'da dalek-ka?

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESAYA 55:12

Neukose emi la'oela Babel no namahokok, ma nana-no falik no so'da-molek. Letek-kala, ma pupukuk-kala, neukose lamahoko-setelee, ma hika-latadale, ai manai tina-la, totoko liman-nala.

YESKIAL 16:14

Basa leoina lala'en-na, ala koa-kio o mata makeem fo matetu-mandaak ndia, nana Au nde tao o, da'di mata makeek. Au, Manetualain Fo Mademaina, nde manakokolak-ka.

YESKIAL 17:22

Manetualain Fo Mademaina, nafa'da dede'ak-kala nde ia nae. “Neukose, Au ketu-a pe'duk esa, neme ai kaiou mademaina mai, boema Au helu-a, ndana nulan esa; Au sele ai ndanak ndia neu letek fo, namadema leo ko'as-sa neu.

YESKIAL 17:24

Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”

YESKIAL 28:13

O mamana leleom-ma nai Eden, fo Manetualain osin-na. O bua papakem-mala, nanabalias nenik poemata mata-matak-kala fo nde: batu dalima dula pilas, batu poemata dula fula-momo'dok, batu poemata dula kunik, batu poemata dula balau, batu poemata dula momo'dok, batu poemata dula kunik mangadilak, batu poemata dula kunik lilopilas, batu poemata dula balau, batu poemata dula momo'dok ma batu alkali pilas. O bua-lo'a lilopilam-mala boeo makadotok. Bua-lo'as sila-la, nanataok soaneu o, nai faik fo o nananakadada'dik-ka.

YESKIAL 31:16

Nai lelek fo, Au akonaheni ai ndia, leo hataholi manamatek-kala mamanan-nala neu soona, nafanduu, fo ana tao-na leoina-kala, ala dele. Basa ai manai Eden dalek-ka, ma basa ai nanahelek manai Libanon fo, ala hapu oe manafaa dolo-dolok-ka, ma manakona basak leo daebafak-ka buin-na leu, neukose lamahoko, hu kande ai ndia tutu'un-na.

YESKIAL 31:18

Ai ndia, nakandandaan-na nde, mane Masir-ra no laun-nala. Ta hapu ai madema, ma ai nanakoa-nanakiok leondiak-ka, nai Eden dalek fa. Tehu besak ia, sama leo ai manai Eden-nala boe, de ai ndia boeo, neukose ana kona leo hataholi manamatek-kala mamanan-na, fo nakabubua no hataholi fo ta lalelak Manetualain-na, ma no hataholi fo ala mate nai natee-natatik dale. Au, Manetualain Fo Mademaina, nde manakokolak-ka.”

YESKIAL 36:35

Soona neukose, basa hataholi-la ala nggenge, nanahu dae fo na'kasa dae tokotiik ndia, besak ia, nasafali da'di osi Eden-na so, ma kota-kota fo na'kasa, nee-nee lino-linok, ma lakalulutuk de ala da'di ai batu manatapasalak sila-la, besak ia, ala da'di kota musu matea-mahelek, ma laun-nala boeo, makadotok nanseli so.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

ZAKHARIA 11:2

Hai ai daru-la lemin, makaleleu leona, nanahu foi heni kaiou-la so, ai matuaina-la, tu'u leu so. Hai ai matuaina manai Basan-nala lemin, kii leona. Nana, ai manai lasi maloainan-nala dalek, nanalo'o henik so.

SEMUEL SUSULAK-KA ESAN-NA 18:15

Lelek Saul nita, nae Dauk sengi tataas esa boema, ana boetai bii Dauk.