YESKIAL 31:3 - Susula Malalaok Hehelu Palak Ma Hehelu Beuk

³ Mitak, Au akasasamak o, sama leo ai kaiou manai Libanon fo, henuk no ba'e mana'ahiik-kala, ma doon-na, makadotok nanseli; ana moli de deman-na seli, pe'dan-na losa lalai.

YESKIAL 31:3 ပူးပေါင်းရင်းမြစ်များ

MAZMUR 92:12

Au ita au musung-ngala kakalan-na, hataholi manala'ban basa au-a, ma tutu'u eno mangalaun-nala, au amanene basan so.

YESAYA 37:24

O madenu hataholi neu fo ana kokolak bafa louk, nae no o kaleta musu makadotom-mala, o sengi letek fo, deman-nala seli, nai Libanon. O koao-ndaeao, mae o lo'oheni, basa ai kaiou fo madema nanseli, ma mana'ahiik nanseli, boema o tola tunga nula manggiok-kala tala'da.

YEREMIA 17:8

Ndia sama leo aia moli nai le oe manafaak-ka su'un-na; fo okan-na nandondolo losa oe-a. Ana ta bii neu fai hanas-sa fa, de don-na ka'da momo'dok nahele. Leomae fai hanas-sa la'e nusak-ka boe, ndia ta male-tale fa, de ka'da nabuna-naboa nahele.

YEREMIA 50:18

Hu ndia Au, Manetualain Fo Manakoasa, neukose Israel Manetualain-na ana huku manek Nebukadnezar ma nusan-na, sama leo manek Asyur-a huhukun-na.

YESKIAL 17:22

Manetualain Fo Mademaina, nafa'da dede'ak-kala nde ia nae. “Neukose, Au ketu-a pe'duk esa, neme ai kaiou mademaina mai, boema Au helu-a, ndana nulan esa; Au sele ai ndanak ndia neu letek fo, namadema leo ko'as-sa neu.

YESKIAL 19:11

Ndanan-nala tean-na seli, de ta la'dis no lai-laik fa de nandaa taon da'di aitete'e manek. Poin-na, namadema losa ko'as-sa. Basa hataholi-la lasamanan, nana deman-na seli ma doon makadotok nanseli.

YESKIAL 31:10

Hu ndia de Au, Manetualain Fo Mademaina, afada o hata fo, neukose ana da'di neu ai fo pe'dan-na losa ko'as-sa ndia. Nana ana boetai namademak-ka, ana boetai koao-ndaeao.

YESKIAL 31:16

Nai lelek fo, Au akonaheni ai ndia, leo hataholi manamatek-kala mamanan-nala neu soona, nafanduu, fo ana tao-na leoina-kala, ala dele. Basa ai manai Eden dalek-ka, ma basa ai nanahelek manai Libanon fo, ala hapu oe manafaa dolo-dolok-ka, ma manakona basak leo daebafak-ka buin-na leu, neukose lamahoko, hu kande ai ndia tutu'un-na.

YESKIAL 31:17

Neukose, ala tungan leo hataholi manamatek-kala mamanan-na leu, fo lakabubua loo hataholi manatu'da makahuluk-kala. Fo makahulun-na, sila basa-basas langatuuk leme ai ndia huu-na, neukose nanatao tapasasalak leo leoina-kala tala'da leu.

YESKIAL 31:5

Hu ndia de ana moli, boema dema lena heni basa ai manai mook-ka lala'en-na; ndanan-nala boetai lamaba'uk-ka, ba'en-nala lamanalu, nanahu oe makadotok faa leo huun-na neu.

YESKIAL 31:6

Basa manupui manai lalai lala'en-na, landunu lai ndanan-nala lain, bana fuik-kala lu'u lai ndanan-nala dae, fo ala bongi anan-nala. Basa leoina matuaina manai daebafak-ka lalaena, langatuuk fo ala hahaeaon-nala lai huun-na.

YESKIAL 31:8

Basa ai kaiou manai Manetualain osin dale-la, ta bisa nakasasamak-kasa loo fan. Boeo ai kaiou fe'ek-kala, ndanan-nala ta bisa nakasasamak-kasa loo ndia ndanan-nala fa, ma ba'en-nala ta bisa nakasasamak-kasa loo ba'en-nala fa. Basa ai manai Manetualain osin dale-la, ta bisa nakasasamak lole-napun loo ai ndia lole-napun fa.

YESKIAL 32:22

Asyur maten de latoin nai naa, de solda'dun-nala laten-na, okofefeo-lan. Sila basa-basas, mate lai natee-natatik dale. Sila laten-nala, nai hataholi manamatek-kala mamanan-na, bui mate'en-na. Lelek bei laso'da, leni bibii-namata'uk nai daebafak-ka.

DANIAL 4:10

Lelek au sungu, boema au ita ai huuk esa, ana moli nai daebafak-ka tala'da heon.

DANIAL 4:12

Doon-na momo'doanak ma boan makadotok nanseli, de dai basa hataholi daebafak-ka lala'en-na la'a. Bana fuik-kala lu'u lai sa'on dale, ma manupui-la landunu nai ndanan-nala lain. Ma basa mahahaek lala'en-na hapu la'a boan-na.

DANIAL 4:7

Tehu lelek basa hataholi fo ala neuk hata fo neukose ana da'di nai fai manamaik-ka, dukun, hataholi malelak-kala, hataholi malelaina-la, ma basa hataholi malela nduuk sila-la ala mai, de au tuis au me'ing ndia, tehu ta hapu sila esa boen bisa nafa'da mangalele'do sosoa-ndandaan fa.

ZEFANYA 2:13

Basa ndia soona, neukose Manetualain Ana pake koasan-na, fo Ana tao nakalulutuk Asyur. Neukose Ana tao kota Niniwe da'di nee-nee lino-linok, ma moo na'u tak.

ZAKHARIA 11:1

Hai Libanon, soi heni o lelesum-mala leona, fo ela ha'i na'a heni o ai aras-mala!

ZAKHARIA 11:2

Hai ai daru-la lemin, makaleleu leona, nanahu foi heni kaiou-la so, ai matuaina-la, tu'u leu so. Hai ai matuaina manai Basan-nala lemin, kii leona. Nana, ai manai lasi maloainan-nala dalek, nanalo'o henik so.

HAKIM-HAKIM 9:15

Boema makatema dila-nggauk ndia nataa nae, ‘Metema, te'e-te'e emi nau tao au da'di emi manem soona, mai masulu-mahapa nai au sa'ong dale. Metema, emi ta nau fa soona, neme au ndanang fo manggauk ia, neukose ana kalua ha'i, fo ana hotu heni basa ai aras manai Libanon-nala.’ ”