YESKIAL 31:12 - Susula Malalaok Hehelu Palak Ma Hehelu Beuk

¹² Solda'du nusa dea fo, ta lalelak susue-lalaik ndia fa, neukose ala lo'ohenin, boema ala po'ilotak-kana lee-lee neme ndia. Ndanan fo la'dihenik-kala, neukose ala tu'da beepoko nai basa letek-kala poin-na, ma nai bafak manai nusak ndia. Basa leoina fo, ala hahae lai huun-na, neukose lalai la'oelan.

YESKIAL 31:12 ပူးပေါင်းရင်းမြစ်များ

YESKIAL 30:11

Nebukadnezar no basa solda'dun fo, ta lalelak susue-lalaik ndia fa, neukose ala mai, fo ala tao lakalulutuk dae ndia. Neukose ala sapu-la Masir nenik tafaina, soaneu ala ta'tilisa hataholi-la, fo lalefule'ak nai nusak ndia.

YESKIAL 30:12

Neukose Au tao ama'da Lee Nil-la, ma Au fe Masir lala'en-na, leo hataholi mangalauk-kala neu. Neukose Au adenu hataholi nusa dea-la, fo ala tao lakalulutuk nusak ndia lala'en-na. Au fo Manetualain, nde manakokolak-ka.”

YESKIAL 31:17

Neukose, ala tungan leo hataholi manamatek-kala mamanan-na leu, fo lakabubua loo hataholi manatu'da makahuluk-kala. Fo makahulun-na, sila basa-basas langatuuk leme ai ndia huu-na, neukose nanatao tapasasalak leo leoina-kala tala'da leu.

YESKIAL 32:12

Neukose, Au adenu leoina-kala solda'dun fo, ta lalelak susue-lalaik-ka fa, ala fe'a-la sila tafainan-nala, fo ala taolisa basa o laum-mala lala'en-na.

YESKIAL 35:5

Mulai neme makahulun eli mai, emi musu moo Israel, ma emi po'ilotak-kasa ala mate, nai lelek soe-a tuni-ndeni nalas, da'di leo huhuku mate'ek-ka, neu sila sala-singon-nala.

YESKIAL 35:8

Neukose Au akadofu ketu letek-kala nenik, o hataholi manamatem-mala, ma Au tao ahenu pupukuk ma bafak-kala, nenik hataholi manamatek lai natee-natatik-ka dalek.

YESKIAL 39:4

Gog no basa solda'dun-nala, ma basa leoina fo manalook-kana, neukose mate la'iesak-kasa lai Israel leten-nala lain, fo Au fe popolan-nala neu manupui-la, ma bana makaak-kala, fo la'ahenis.

YESKIAL 7:21

Manetualain nafa'da leoina Israel-la nae, “Neukose, Au po'ilotak hataholi nusa dea-la, ala bonga emi umam-mala. Hataholi mangalauk-kala neukose ala loso-la emi hata-hetom, fo ala tao langgenggeon.

DANIAL 4:11

Ai ndia deman-na seli; ndanan-nala matuaina ma balakaik. Pe'dan-na losa lalai, nalosa basa hataholi manai daebafak-ka litan.

HABAKUK 1:11

Boema, hataholi fo ala koao-ndaeao lenik be'i-balakain sila-la, ala la'o no lalaik sama leo anin-na.”

HABAKUK 1:6

Leoina Babel fo makaa-makisuk ndia, neukose Au taon da'di leoina manakoasa. Ala kalua lakadadalak leme nusan-na mai, fo ala la'ok okofefeo basa daebafak-ka, soaneu ala paleta leoina fe'ek-kala.

NINITAK 17:16

O mita susula kasanahuluk ma bana ndia, neukose nakamu-nakadau manasosoa-piaok ndia. Neukose ala loso la basa hata-heton lala'ena, ma ala tao lan da'di makaholak. Neukose ala la'ahenin paa na ma ala taolisan ninik ha'i.