YESKIAL 30:4 - Susula Malalaok Hehelu Palak Ma Hehelu Beuk

⁴ Neukose Sudan hapu soe matuaina. Neukose natee-natatik-ka, ana da'di nai Masir. Hataholi mates-sala, neukose beseleka neuk-ka; Nakodaa-la, lamanako nai nusak-ka lala'en-na, ma ala tao lakalulutuk nusak-ka.

YESKIAL 30:4 ပူးပေါင်းရင်းမြစ်များ

YESAYA 16:7

Hu ndia de, nemen-na fo, leoina Moab-pa, esa kii-makaleleu esa. Nemen-na fo ala kii, metema lafandele-la nana'a mala'da fo, ala biasa la'an nai kota Kir-Hareset-ta. Nemen-na fo ketu namahehenan-nala, ma lahoo.

YESAYA 18:1

Lama-bobo'i halan-nala nananamanenek, neme lee manai Sudan-nala selik mai.

YESAYA 19:2

Manetualain nafa'da nae, “Neukose Au afofo'a natee-natati tolanok-ka nai Masir: fo tolanok la'ban tolanok, titia-tataik la'ban titia-tataik, kota la'ban kota, nusak la'ban nusak.

YESAYA 20:3

Lelek kota Asdod-ta, nananakahapik, Manetualain nafa'da nae, “Au atang Yesaya, nakahola-la, ma ana ta pake ta'bueis teuk telu dalen-na so. Ia nde da'di ta'du-tana neu hata fo, neukose ana da'di neu Masir ma Sudan.

YEREMIA 46:9

Malaik leon-na hai ndala-la lemin! Makababalek ao leon-na hai kaleta-la lemin! Tutulu matak leon-na hai palani tati batu fo mananeni ba'du baba fanak fo maneme Sudan ma Libia-la lemin. Boema emi fo manakou malelak maneme nusak Lidia-la lemin!’ ”

YEREMIA 50:15

Eki kokoa musu nafeo kota ndia! Besak ia Babel bii so. Papala nanadaman-nala nana tao nakalulutuk. Besak ia Au tao babalak neu Babel. Hu ndia de taos sama leo sila tao hataholi fe'ek-kala.

YESKIAL 28:23

Neukose Au fe he'di-laus mai, de nemen-na fo, daak-ka faa nai o enom-mala lain. Neukose musu-a, ana sapu-na o neme mamanak lala'en-na mai, fo ala taolisa o laum-mala. Soona besak-ka o bubuluk, mae Au nde Manetualain-na.’ ”

YESKIAL 29:12

Neukose, Au tao-a Masir, da'di dae louk, nalosa nai nusa louk fe'ek-kala, Masir nde louk nanseli. Nai teuk haahulu dalen-na, kota-kota manai Masir-ra, neukose lalupa leo ai-batu manatapasasalak lena heni kota lala'en-na. Neukose, Au tao leoina Masir-ra, da'di hataholi manamai nusa fe'ek. Neukose, ala tapasasala leo basa nusak lala'en-na leu, fo ala leo lai leoina fe'ek-kala tala'da.”

YESKIAL 29:19

Hu ndia de, Au Manetualain Fo Mademaina, afa'da ae: Neukose Au fe dae Masir-ra, leo Mane Nebukadnezar-ra neu. Neukose namanako, ana kalo, ma ana foo neni la'iesak Masir su'i-beten, fo da'di neu ndia solda'dun-nala, ngga'din-na.

YESKIAL 29:8

Hu ndia de Au, Manetualain Fo Mademaina, afa'da o, ae neukose Au adenu solda'du-la leni tafaina fo leu sapu-la o, fo ala taolisa o laum-mala, ma o bana-manum-mala.

YESKIAL 38:5

Solda'du-la leme Persia, Sudan ma Libia mai, ala tunga manek-ka, de basa-basas leni tafaina ma topi bai.

DANIAL 11:43

Neukose ana loso neni Masir hata-heton fo leo lilopilas ma lilofulak boema hata-heto beli matuaina fe'e-fe'ek-kala. Neukose hataholi Libia-la loo hataholi Sudan-nala look-kana.

ZEFANYA 2:12

Boeo neukose Manetualain naketu huhuku mamates soaneu Sudan laun-nala.