YESKIAL 30:13 - Susula Malalaok Hehelu Palak Ma Hehelu Beuk

¹³ Manetualain Fo Mademaina, nafa'da nae, “Neukose, Au tao akalulutuk sosongo-tatangok, ma lamatua daebafak fo, manai Memfis-sala. Neukose ta hapu seluk manek, nai Masir fa. Neukose, Au tao-a basa laun-nala lala'en-na, ala bii-lamata'u.

YESKIAL 30:13 ပူးပေါင်းရင်းမြစ်များ

KELUARAN 12:12

Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

YESAYA 2:18

Neukose mopo makandondook sosongo-tatangok-kala.

YEREMIA 10:11

Hei anang-ngala lemin, emi muse mafa'da neus mae, lamatua daebafak-kala fo ta lakadada'dik lalai-a ma daebafak ndia fa, neukose nanatao namopo-namatek. Neukose sila mopok-kasa neme daebafak ia mai.)

YEREMIA 2:16

Hai Israel, hataholi Memfis ma Tahpanhes-sala, nggute heni o langa doom-ma.

YEREMIA 43:12

Neukose Au tao ha'i neu Masir lamatua daebafan-nala uma sosongo-tatangon-nala, ma neukose manek Babel-la hotuheni patong sosongo-tatangok manai uma sosongo-tatangok-ka ado ana ho'i nenis lo nusa-namon neu. Sama leo hataholi nanafoo sa tao balisi bua-lo'an neme utu-tuma, leondiak boe neukose manek Babel-la sasapu balisi Masir boema ana la'o seluk no ta hapu esa nanggengek-kana boen.

YEREMIA 43:13

Batu-lutu sosongo-tatangok manai Heliopolis nai Masir, neukose nanatao nakalulutuk, ma Masir lamatua daebafan-nala uma sosongo-tatangon-nala neukose nanahotu-heni la'iesak-kasa.”

YEREMIA 44:1

Manetualain kokolak neu au la'eneu basa hataholi Israel fo manale'ok manai Masir-ra, fo nde manai kota Migdol, Tahpanhes, Memfis, ma nggolo-ta'duk manai kona-la.

YEREMIA 46:14

“Yeremia, po'a-benga halak-ka nde ia nai kota-kota Masir-ra, fo nde nai Memfis, Migdol ma Tahpanhes-sa mae, maneneak soaneu makatatakak aoinam-mala, nana basa hata fo emi manuuk-kala neukose nanatao nakalulutuk nai natee-natatik-ka dalek!

YEREMIA 46:19

Mahehele aom laun Masir-rala lemin, soaneu nanafook ma nananook fo la'o! Neukose Memfis da'di ai-batu madodouk, mamanak fo nene-lino-linok nanahu nana leo taak.

YEREMIA 46:25

Manetualain Fo Manakoasa, fo Israel Manetualain-na, nafa'da nae, “Neukose Au huku-doki Amon, lamatua daebafak manai Tebe-a ma basa Masir no lamatua daebafan-nala ma manen-nala. Manek Masir-ra ma basa hataholi ta lamahena neun nana

YEREMIA 46:5

Tehu Au, Manetualain, Au itas ala bii de lakadedeak. Ala lalai no bibiik-ka de ala ta lipa lo dea neu fa.

YESKIAL 30:16

de neukose kota ndia, ana doi-doso nanseli, tete'ek-ka, neukose Au hotuheni Masir. Neukose ndefaheni kota Tebe, papala nanadaman-nala, ma neukose faa la'e kota ndia.

HOSEA 9:6

Metema, soe-a losa, ma loo emi leo nusa fe'ek meu, soona ela emi see soona, neukose hataholi Masir-ra tao lakabubuas soaneu taolisas, fo latoi-latonos nai Memfis! Neukose na'u ma dila-nggauk moli ketu emi uma mamanam-mala, ma emi bua-lo'a lilofula kabelim-mala.

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

ZAKHARIA 10:11

Metema, ala lena tasi to'a-taak-ka soona, Au, Manetualain neukose fepa lii-la; soona ma'da Lee Nil-la buin-na. Leoina Asyur, fo manakoao-ndaeaok ndia, neukose nananakadadaek, ma Masir, fo palani ta'tibatu ndia, neukose namopo koasan-na.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.