YESKIAL 3:7 - Susula Malalaok Hehelu Palak Ma Hehelu Beuk

⁷ Tehu, leoina Israel-la, ta nau lamanene o fa, lena-lenak Au bai, ala ta taoafik neu Au makandondook fa. Sila basa-basas, lalangabatu, ma ala hii ka'da lena-la'ban Au.

YESKIAL 3:7 ပူးပေါင်းရင်းမြစ်များ

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YESAYA 48:4

Au bubuluk, ae o dalem-ma natea, ta tunga paleta, ma langa batuk.

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 44:16

“Ami ta nau mamanene hata fo o mafa'dan neu ami pake Manetualain na'den-na fa.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YEREMIA 6:10

Boema au ataa ae, “Manetualain, au muse kokolak o see, ma au muse fe nasanene'dak neu see? Hataholi sila, langabatu lanseli, de ala ta nau taoafik fa. Ala hika ma ala ta hii O hala hehelum, fo au anduku-alosak-kana neus fa.

YEREMIA 6:17

Boema Manetualain so'u manamanea la'inono'ik, fo fes nasanene'dak, fo ela lamanene pupuuk ta'du-tana liin-na. Tehu lafa'da lae, “Ami ta nau mamanene fa.”

YEREMIA 7:27

Basa boema Manetualain nafa'da nae, “Hu ndia de, hei Yeremia, leomae o mafa'da basa sila-la neu Au anang-ngala boeo, neukose ala ta taoafik neu o dede'a-kokolam fa. Leomae o maloos boeo, neukose ala ta lataa fa.

YESKIAL 2:4

Ala lalangabatu, ma ala ta fe ha'da-holomata neu Au fa. Au adenu o muu leo hataholi sila-la, fo manduku-malosak hata fo Au, Manetualain Fo Mademaina, afa'da neus,

YESKIAL 24:7

Kanisak-ka, ana da'di nai kota ndia, tehu daan-na, ana ta faa leo dae lain neu fa, te ana faa leo batu mateaina lain neu, nalosa ta bisa nakadofu ketu fan.

YESKIAL 3:8

Besak ia, neukose Au fe o malangabatu, ma o dalem-ma natea, sama leo sila boe.

ZAKHARIA 7:11

Tehu, Au anang-ngala langa batu, de ta nau lamanene makandondook fa, ma ala suleketu di'idoon-nala, fo ela boso lamanene.

ZAKHARIA 7:12

Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

LUKAS 13:34

Yerusalem, Yerusalem! O lau mala taomisa basa nabi la, ma Manetualain hataholi nadedenu nala, tapas minik batu, losa mates. La'i de'u bee so, Au hii holu basa o lau mala, sama leo manu ina nasaluluku ana nala nai li'dan dale, tehu o ta nau fa!

LUKAS 19:14

Tehu nusak ndia lau nala lakamun. Da'di, basa de ana la'o boema ala haitua hataholi nadedenuk neu soaneu nafa'da nae, ‘Ami ta nau hataholi ia da'di ami mane ma fa.’

SEMUEL SUSULAK-KA ESAN-NA 8:7

de Manetualain nafa'da nae, “Sipok la'iesak leoina ndia nonoken neu o-a. Nana ala ta tipa o nde ndia fa, te Au dei. Ala ta lahiik Au da'di sila manen so'ok.