YESKIAL 3:23 - Susula Malalaok Hehelu Palak Ma Hehelu Beuk

²³ Boema, au u leo bafak dale u, de nai ndia, au ita mangale'dok-ka, nandela-nasa'a, fo natu'du Manetualain mamain-na, sama leo au ita basan neme Lee Kebar-ra su'un-na. Boema, au tu'u atotonokala neu dae lain,

YESKIAL 3:23 ပူးပေါင်းရင်းမြစ်များ

YESKIAL 1:28

ma dula-na mata-matak, sama leo elus-sa. Mandela-masa'ak ndia, nde natu'du Manetualain mamain-na. Au ita manada'dik ndia boema, au tu'u atotonokala u dae lain. Boema au amanene halak-ka nafa'da nae,

YESKIAL 10:18

Boema Manetualain mandela-masa'an, fo ana da'di ta'du-tana esa neu Manetualain mamain-na, ana la'oela lelesu masok leo Manetualain Uman-na neu, de ana lali leo mahahaek sila-la lain neu.

YESKIAL 43:2

de nai ndia nde, au ita managale'do-ka, nangale'do neme dulu mai, fo ta'du-tana la'eneu Israel Manetualain mamain-na. Manetualain halan-na, nananamanenek sama leo tasi maloaina nangguu, ma daebafak-ka mangale'dok, nanahu Manetualain mangale'don-na.

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.

YESKIAL 44:4

Basa boema, touk ndia noo au leo lelesuina kii, fo nasasalematak no Manetualain Uman-na. Au taoafik matalololen boema, au ita Manetualain mandela-masa'an poti-na Manetualain Uman-na, fo da'di ta'du-tana nae, Manetualain nai ndia. Boema au bala uu de, au sene-do'ok,

YESKIAL 8:4

Boema au ita mangale'dok fo, manada'di ta'du-tana neu Israel Manetualain mamain-na, sama leo au itan nai lelek au eme Lee Kebar-ra su'un-na.

YESKIAL 9:3

Boema mandela-masa'ak fo, manada'di ta'du-tana neu Israel Manetualain mamain-na, nasalaa neme mahahaek sila-la mai, boema ana lali neme mamana makasososan ndia mai, de neu leo lelesu masok leo Manetualain Uman dale neu. Boema Manetualain naloo hataholi manapake tema abalutu ndia nae,

DANIAL 8:17

Boema Gabrial fo napadeik nai au matang-nga ndia, ana mai deka no au. Au bii anseli, nalosa au bala u. Gabrial nafa'da au nae, “Hai hataholi daebafak manasapu-manalalok-konei, o muse bubuluk te, ninitak ndia nde been-na la'eneu tepo-lelek mate'ek-ka.”

BILANGAN 16:19

Basa boema, Korah naloo nakabubua basa hataholi Israel-la lala'en-na, de lapadeik lasasalematak loo Musa no Harun, nai Manetualain Lalaa Teman-na lelesun-na bafan-na. No kaiboik, basa hataholi Israel-la lala'en-na, lita Manetualain mandela-masa'an nangale'do.

BILANGAN 16:42

Ala bei lakabubua fo la'ban Musa no Harun, te ala lipa leo Manetualain Lalaa Teman-na neu te, lita ko'as-sa potin-na Lalaa Temak ndia, boema lita Manetualain mandela-masa'an.

HATAHOLI 7:55

Tehu Stefanus fo Manetualain Dula Dale na koasa nan ndia, nanganalo leo lalai neu. Nita Manetualain ndela-sa'an ma nita Yesus napadeik nai Manetualain boboa kona na.

YOSUA 5:14

Hataholi ndia nataa nae, “Ta tia-laik, ma ta musu boen. Au mai leo ia mai, da'di leo Manetualain malanga solda'du matuainan.” Yosua namanene dede'ak ndia boema, no lai-laik, nakaluku-nakatele neu hataholi ndia. Yosua nae, “Au ia, Tuan atan. Hata fo au bisa taon soaneu Tuan?”

NINITAK 1:17

Lelek au itan boema, au bala u mata na nono'kabai hataholi manamate ka. Tehu Ana fua lima kona na neu au lain boema nae, “Boso bii! Au nde makasososak ma mate'ek.

NINITAK 4:10

mauli-malanga kaduahulu hak sila la bala leu Ndia fo nangatuuk nai kandela manek ndia lain mata na, boema ala sene-do'ok neu Ndia fo naso'da losa dodoo na. Basa boema ala tapa sila bulamoli nala neu kandela manek ndia mata na ma lae,

NINITAK 5:14

Boema mahahae kahak sila la lataa lae, “Amin!” Ma lasi-lasik sila la bala leu ma ala sene-do'ok.

NINITAK 5:8

Bi'ilopo Ana ndia beitao leondiak te, mahahae kaha kala ma lasi-lasik kaduahulu hak sila la, bala leu mata na. Sila esa soona, ana ho'u sasanu ma mango lilopilas fo isi na boominik, fo nde Manetualain hataholi kamahehele nala huhule-haladoin.