YESKIAL 3:20 - Susula Malalaok Hehelu Palak Ma Hehelu Beuk

²⁰ Metema hataholi malole esa, ana tao sala-singok, fo Au fen nasasalematak no soe-a, de neukose maten, te metema o beita fen nasanene'dak fa. Neukose ana mate, nanahu sala-singon, de naukose Au ta afandele tatao-nono'i malolen-nala fa. Tehu neukose Au oke natataak neme o mai, la'eneu hataholi ndia mamaten-na.

YESKIAL 3:20 ပူးပေါင်းရင်းမြစ်များ

2TAWARIKH 24:2

Nai lelek Imam Yoyada bei naso'da, Yoas tao-no'i dede'ak fo nandaa no Manetualain dalen-na.

2TAWARIKH 25:15

Tatao-nono'in ndia taon-na Manetualain namanasa nanseli. Ana nadenu nabi esa neu leo Amazia neu. Nabi ndia nafa'da nae, “Tao le'e de Ama Manek sene-do'ok neu leoina fe'ek lamatua daebafan fo ana ta hapu soi-tefa-na leoinan neme Ama Manek koasan-na mai fa?”

MAZMUR 119:165

Hataholi manasue-lai O hoholo-lalanem-ma, nee-nee lino-linok ma tetu-temak, ma ta hapu hata napanggengge fas.

MAZMUR 125:5

Tehu hataholi manake'di-ndiuk-ka, ela leo bee-na, Manetualain hukun, sama-sama no hataholi mangalauk-ka. Ela leo bee-na, O anam-mala so'da-molek!

MAZMUR 36:3

Ana nafa'da nae ndia aoinan-na anseli nanseli, nalosa tanamedan-na salan-na, de ana ta hahae tao salak fa

AMSAL 25:12

Hataholi dodole maneu-a, kekena-kaka'in neu hataholi fo ana nau namanene, sama leo ndeli lilopilas, do bua-lo'a lilopilas-sa.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YESAYA 8:14

Hu kande, Au malalao-malalafuk nanseli, Au da'di batu nakatunuk ba'eneu laun Yehuda ma Israel, ma hihi'ik fo nala laun Yerusalem-mala.

YEREMIA 34:16

Manaho'u paleta Yehuda-la, ma Yerusalem no basa uma manek-ka manana'a ngga'din-nala, imam-mala ma basa manamanea o daem-mala, ala heisok nakeketuk ndia nenik ala do'do sapi, de ala seseli ba'en neu dua, de ala la'ok nai biak kaduak sila-la tala'da. Tehu neu makabuin-na boema emi po'de masafali emi dudu'am-ma de emi makadadaek Au. Ata-la fo emi soi po'i basak-ka fo nanda no sila hihiin-a ndia, emi ho'i falik-kasa de emi laka-makasetis soaneu da'di ata seluk. Hundia de Au, Manetualain afa'da ae, emi la'o lena Au paletang-nga, ma ta nau tunga eno dalan fa, nana emi ta soi po'i emi fo leoina Israel sama-sama fa. De besak ia malole lenak Au po'i lotak emi; manapo'i lotak soaneu mamate-momopok-ka nai natee-natatik-ka dalek, do neme he'di laus matuaina, do neme la'a ndoes-sa mai. Emi tao sapi-a tao leo beek fo emi sanga do'don ndia soona, neukose Au tao emi tao leondiak boe. Neukose Au tao-a basa leoina manai daebafak ia lala'en-na ala langgenggengo ao, metema ala lita hata fo Au taon soaneu emi-a.

YEREMIA 6:21

Neukose, Au tao-a hataholi ia-la lakatunu, fo ala tu'u leu. Neukose amak-ka, ma anak-ka, tia-laik ma uma titia-tataik-kala, basa-basas mopo-mate.”

YESKIAL 14:3

“Hai hataholi daebafak fo, manasapu-manalalok-konei, hataholi ia-la, lase'o basa so'dan-nala neu sosongo-tatangok so, nalosa ala tu'da leo sala-singok dale leu. Masa bole ala nau latane Au dale hihiing-nga?

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

YESKIAL 18:26

Metema hataholi malole-a, ana ta tao malole so'on, fo ana mulai tao tatao-nono'i mangalauk soona, neukose maten, nanahu tatao-nono'i mangalauk fo, ana tao-no'ik-kala.

YESKIAL 3:18

Metema, Au afa'da ae neukose mate hataholi mangalauk esa, tehu o beita fen nasanene'dak fo ana tukatei-saledalen-na, fo ela ana hapu so'dak, soona neukose ana mate, sama leo hataholi masala-masingok, de o nde lu'a-lepa hataholi ndia mamaten-na.

YESKIAL 33:18

Au afa'da la'iesa seluk, ae metema hataholi manatao tatao-nono'i malole-a, ana mulai tao tatao-nono'i mangalauk soona, neukose maten, hu kande tatao-nono'in ndia.

YESKIAL 33:6

Nasafalinna, metema manamanea ndia nita musu-a mai, tehu ana ta fepa meko-a, fo ana fe nasanene'dak neu laun-na fa, boema musu-a taonisa hataholi masala-masingok sila-la soona, neukose Au oke manamanea ndia, ana fe natataak la'eneu hataholi sila-la mamaten-na.

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

DANIAL 9:18

Mamanene ami leona, ou Manetualain, mete ami ma taoafik neu ami doidosom boema kota nalutuk fo loken nenik O na'dem-ma. Ami hule-haladoi neu O, ta hu kande ami tatao-nono'im malole neu O fa, tehu hu kande O henuk no susue-lalaik.

IMAMAT 19:17

Boso mape'da dalek neu su'di see boen. Mole-dame moo su'di see, fo emi male'a-mapilik moon, fo daenga emi boso masala-masingo, hu kande hataholi fe'ek.

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

MATEOS 18:15

“Metema o tolanoo ma nasala-nasingo neu o, soona muu fo mafa'da sala na. Fo ka'da emi dua mesa-mesa ma tao dede'ak ndia no denge-dengek. Metema ana tunga o hala-kokolam soona, o hapu falik o tolanoom ndia so.

LUKAS 2:34

Simeon fes baba'e-papalak, boema nafa'da Maria, fo Ni'iana ndia inan nae, “Ni'iana ia, Manetualain hele basan soaneu Ana tao namopo-namate, ma Ana soi-tefa na hataholi Israel ba'u ka. Neukose Ana da'di ta'du esa neme Manetualain mai, ma neukose hataholi ba'u ka ala la'ban nana,

LUKAS 8:15

Bini-ngges fo manatu'da lai dae maisi-mamina ka, nakasasama na nde hataholi fo namanene halak ndia, boema nape'dan nai dalek fo malole ma ndo sa dalek. Ala lakatatakak losa labuna-laboa.”

ROMA 11:9

Dauk boeo nafa'da nae, “Neme na fo, feta-dote nala da'di hihi'ik seluk neu aoina nala, boema da'di bolok fo da'di mamanak soaneu ala tu'da leo dalek leu fo lakalulutuk!

1 KORINTUS 1:23

Tehu ita ia ka'da tui-benga Kristus, fo manamatek nai ai nggangek lai na. Tutuik ndia, ana tao na hataholi Yahudi la lamanasa, ma hataholi ta Yahudi la lafa'da lae, tutui bafa louk basa sila la.

ULANGAN 13:3

boso taoafik neun. Nana emi Manetualaim-ma pake hataholi ndia, fo Ana mete, ade te'e-te'e, emi sue-lai Manetualain no emi dalek katematuam-ma do ta.

IBRANI 10:38

Ma Au hataholi kamaheheleng fo ndo sa, neukose namahele ma naso'da; tehu metema hapu nai sila tala'da ala fali deak, soona neukose Au ta sue fan.”

IBRANI 13:17

Tunga emi mauli-malangam paleta na leona, ma makatele neus. Nana sila nde taoafik tatas esa neu emi samane ma, ma sila nde muse lataa neu Manetualai na. Metema emi tungas soona, sila hapu laue-lale'di no dale namahokok; metema ta, soona neukose laue-lale'di no dale he'dik, fo ndia ta nini nanalak fe emi fa.

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.