YESKIAL 3:17 - Susula Malalaok Hehelu Palak Ma Hehelu Beuk

¹⁷ “Hai, hataholi daebafak fo, manasapu-manalalok-konei, Au so'u o da'di manamanea neu leoina Israel-la. Manduku-malosak nasanene'dak fo, Au fek ia-la neus.

YESKIAL 3:17 ပူးပေါင်းရင်းမြစ်များ

2TAWARIKH 19:10

Metema emi nonoo-mala leme kota fe'ek mai fo leni fe emi dede'a kanisak esa, la'olena hoholo-lalanek do la'olena susula nakeketu-ka soona, ela leo bee na emi fes natutu'duk. No enok ndia ala ta lasala neu Manetualain fa, ma neukose Manetualain ta namanasa emi do sila boen. Tao tunga paleta ia, soona neukose emi ta masala fa.

KIDUNG AGUNG 3:3

Manamanea kota, latongo loo au boema au atane “Ade, emi mita au touana susueng-nga boe do?”

KIDUNG AGUNG 5:7

Basa manamanea kota, latongo loo au; ala fepa au de au akahina, ala ho'i-la au lalaa langang-nga no nakasetik.

YESAYA 21:6

Boema Manetualain nafa'da au nae, “Muu leona, fo pe'da manamanea esa, fo madenun nafa'da hata fo ana nitan.

YESAYA 21:8

Basa boema, manamanea ndia naloo bou-bou nae, “Tuan, au anea tunga faik, lele'dok ma le'odaek so.”

YESAYA 52:8

Mamanene manamanea kota, eeki namahokon-na, ala eeki-latadale sama-sama! Nana ala lita matan Manetualain fali ma'in leo Sion mai.

YESAYA 56:10

Manetualain nae, “Au leoinang-nga, mauli-malangan-nala nde been-na, hataholi pokek-kala! Ala ta bubuluk hata esa boen. Sila sama leo busa hala tak-ka, fo ta nakaa fa, tehu ka'da ana sungu, fo nalame'i. Ala sungu soona, lamahoko lanseli!

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YESAYA 62:6

Au pe'da manamanea nai Yerusalem papala nanadaman-na; Lele'do le'odaen, ala ta bole denge-denge fa, tehu muse ala fe nasanene'dak nakandoo, neu Manetualain, soaneu hehelu-balataak, fo Ana tao basan so.

YEREMIA 1:7

Tehu Manetualain nataa nae, “Boso mafa'da mae, o bei muli-soluk manseli. Metema, Au adenu o muu leo su'di see muu soona, o muse muu, ma Au adenu o mafa'da basa hata lala'en-na, o muse manduku-malosak-kana neus.

YEREMIA 31:6

Tete'ek-ka, neukose losa fain-na te, basa manamanea kota-la leloo-bebou nai lete-lepak Efraim-ma lae, ‘Mai fo ata kae lo Sion teu, lo ita Amam Manetualain teu.’ ”

YEREMIA 6:10

Boema au ataa ae, “Manetualain, au muse kokolak o see, ma au muse fe nasanene'dak neu see? Hataholi sila, langabatu lanseli, de ala ta nau taoafik fa. Ala hika ma ala ta hii O hala hehelum, fo au anduku-alosak-kana neus fa.

YEREMIA 6:17

Boema Manetualain so'u manamanea la'inono'ik, fo fes nasanene'dak, fo ela lamanene pupuuk ta'du-tana liin-na. Tehu lafa'da lae, “Ami ta nau mamanene fa.”

YESKIAL 11:25

Boema, au tui hataholi nanatu'u-tapak-kala, basa hata lala'en fo, Manetualain natu'dun neu au.

YESKIAL 2:7

Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

HABAKUK 2:1

Au nau kae leo Au uma nanea puni mademang-nga u, fo au ahani hata fo Manetualain sanga nafa'dan neu au, ma natataan-na leobeek, la'eneu au dokodoeng-nga.

HAGAI 1:13

Boema, Hagai nanduku-nalosak Manetualain hala hehelun-na neu laun-nala, nae Manetualain naheluk basa, nae neukose nasulu-nahapas.

MATEOS 3:7

Hataholi Farisi la ma hataholi Saduki la boeo makadotoknan mai fo loke Yohanis salanis. Tehu Yohanis mete nitas ala mai boema nafa'das nae, “Hei, hataholi mangalau kala lemin! See ka nde nafa'da emi nae, emi ta hapu malai meme Manetualain huhuku mana mai na fa?

1 KORINTUS 12:28

Leondiak boe nai salani ka dalek, Manetualain naketu basa mamanak soaneu hataholi mata-mata kala; Makasososa na hataholi nadedenu kala; kadua, nabi la, katelu, mese nala, boema sila fo manatao manda'di beu kala, basa boema sila fo nanafe baba'e-babatik soaneu lakahahaik hataholi, do soaneu tulu-fali hataholi fe'ek, do soaneu nauli-nalanga, do soaneu kokolak linik dede'a matabeu mata-mata kala.

1 KORINTUS 4:14

Au sulak fe emi susulak ia fo au ta akamamaek emi ia fa, te suekande au anoli-afa'da emi, sama leo au ana bonging.

2 KORINTUS 5:11

Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.

2 KORINTUS 5:20

Da'di ami ia nde bee na, Kristus hataholi nadedenun. Manetualain nanduku-nalosak hala hehelu na, tunga ami. No Kristus na'de na, ami dokodoe manseli neu emi, fo sipo ma Manetualain dale susue na, fo nini fe emi malole falik mon.

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

IBRANI 13:17

Tunga emi mauli-malangam paleta na leona, ma makatele neus. Nana sila nde taoafik tatas esa neu emi samane ma, ma sila nde muse lataa neu Manetualai na. Metema emi tungas soona, sila hapu laue-lale'di no dale namahokok; metema ta, soona neukose laue-lale'di no dale he'dik, fo ndia ta nini nanalak fe emi fa.