YESKIAL 3:15 - Susula Malalaok Hehelu Palak Ma Hehelu Beuk

¹⁵ Boema, au losa hataholi nanatu'u-tapak-kala mamana leleo-na, nai Tel-Abib, fo nai Lee Kebar-ra, su'un-na; au angatuuk de au dodoo basa hata lala'en fo, besak-ka au amanenen ma au itan ndia.

YESKIAL 3:15 ပူးပေါင်းရင်းမြစ်များ

KEJADIAN 50:10

Lelek ala losa hataholi-la mamana fefepa gandum manai Goren-Haatad, fo nai Lee Yarden na boboan dulu boema, ala kii-makaleleu lapane'e no dale he'dik. Yusuf tao feta fafaluk faik hitu dalen-na.

AYUB 2:13

Langatuuk lai dae lain, lele'dok hitu, ma le'odaek hitu, lai Ayub boboan-na, tehu, ala ta kokolak heni dede'ak de'ek esa boen, nanahu lita Ayub doi-doson ba'un-na seli.

MAZMUR 137:1

Ami mangatuuk nai lee Babel-lala su'un-na, de ami kii, metema ami mafandele Sion.

YEREMIA 23:9

Au hala haituang-nga nde ia la'eneu nabi-la; Au daleng-nga nakalulutuk ma au ndele nggebe-nggebe. Nanahu Manetualain ma hala kokolan fo malalao-malalafuk-ka, taon-na au sama leo hataholi manamafuk fo mananinu angol ba'uk.

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

YESKIAL 10:15

Mahahaek sila-la nde, makahulun-na au itas leme Lee Kebar-ra su'un-na. Lelek mahahaek sila-la lakababale, do lakalalapa li'dan-nala fo ala kae leo lalai leu, ma ala laa leo uluk leu, do late'e soona, ban sila-la tunga tataas esa, nanahu mahahaek sila-la koasa ban-nala.

YESKIAL 3:23

Boema, au u leo bafak dale u, de nai ndia, au ita mangale'dok-ka, nandela-nasa'a, fo natu'du Manetualain mamain-na, sama leo au ita basan neme Lee Kebar-ra su'un-na. Boema, au tu'u atotonokala neu dae lain,

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.