YESKIAL 3:11 - Susula Malalaok Hehelu Palak Ma Hehelu Beuk

¹¹ Muu leo o leoina, fo manai mamana okak ndia, fo manduku-malosak hata fo Au, Manetualain Fo Mademaina, nafa'dan neu sila, su'di ala nau lamanene do ta.”

YESKIAL 3:11 ပူးပေါင်းရင်းမြစ်များ

KELUARAN 32:7

Boema Manetualain nafa'da Musa nae, “Kona lai-lai, nana o leoinam fo o hela-noles kalua leme Masir mai-a, ala tao tatao-nono'i mangalauk so.

YEREMIA 29:20

Ma emi basa-mala fo Au tu'u-tapak leo Babel neu-a, namanene hata fo Au, Manetualain, afa'dak-ka.’

YESKIAL 2:4

Ala lalangabatu, ma ala ta fe ha'da-holomata neu Au fa. Au adenu o muu leo hataholi sila-la, fo manduku-malosak hata fo Au, Manetualain Fo Mademaina, afa'da neus,

YESKIAL 2:5

su'di ala nau lamanene do ta; te Au paluuk-kande, sila muse bubuluk, lae hapu nabi nai sila tala'da.

YESKIAL 2:7

Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

YESKIAL 20:27

Nah, hai hataholi daebafak fo, manasapu-manalalok-konei, mafa'da hataholi Israel-la hata fo Au, Manetualain Fo Mademaina, afa'das: Hapu buti fe'ek fo natu'du, tao leo beek de, sila bei-ba'i kain-nala lakamumulu-lakamamaek Au, ma ala ta lilineka neu Au fa

YESKIAL 3:10

Basa boema, Manetualain nafa'da nae, “Hai, hataholi daebafak fo, manasapu-manalalok-konei, taoafik matalolole, ma mafandendelek basa hata lala'en fo, Au afa'dan neu o.

YESKIAL 3:12

Boema, Manetualain Duladalen-na, ana so'u-na au, de au amanene halak-ka, nanggulu nai au deang-nga nae, “Koa-kio Manetualain manai nusa so'dak-ka, mandela-masa'an!”

YESKIAL 3:15

Boema, au losa hataholi nanatu'u-tapak-kala mamana leleo-na, nai Tel-Abib, fo nai Lee Kebar-ra, su'un-na; au angatuuk de au dodoo basa hata lala'en fo, besak-ka au amanenen ma au itan ndia.

YESKIAL 3:27

Mahani te, metema Au kokolak seluk o o, fo Au fe falik o be'i-balakaim, fo o hapu kokolak seluk soona, o muse manduku-malosak hata fo Au, Manetualain Fo Mademaina, afa'dan neu leoina ndia. Neukose, sila nggelok lamanene, tehu nggelok soona ta, nanahu memak sila, leoina malenalanga-masabasook.”

YESKIAL 33:12

Nah, hai hataholi daebafak fo, manasapu-manalalok-konei, mafa'da hataholi Israel-la, mae metema hataholi malole-a, ana tao sala-singok, soona makahulun-na, ana tao tatao-nono'i malole-la, ta bisa tulu-fali fan. Metema hataholi masala-masingok esa, ana hahae tao sala-singok soona, neukose ana ta hapu huhukuk fa, ma metema hataholi malole-a, ana tao sala-singok soona, neukose ana ta hapu so'dak fa.

YESKIAL 33:17

Tehu leoina ndia nafa'da, nae Au tatao-nono'ing ndia, ta ndoos ma matetuk fa! Te se'kona, sila tatao-nono'in nde, ta ndoos ma matetuk fa.

YESKIAL 33:2

“Hai hataholi daebafak fo, manasapu-manalalok-konei, mafa'da o leoina, mae metema Au fe natee-natatik neu nusak esa soona, nusak ndia laun-na, hele sila hataholin esa, fo ana da'di manamanea.

YESKIAL 33:30

Manetualain nafa'da nae, “Hai hataholi daebafak fo, manasapu-manalalok-konei, hataholi fo emi leoina esa, ala kokolak o na'dem-ma, nai lelek latongo lai mamanak manadeka no papala nanadamak-kala, do langatuuk lai uma-la lelesun-nala bafan-na. Sila esa nafa'da esa nae, ‘Ayo, mai fo teu tamanene, Manetualain nafa'da beek nai faik ia.’

YESKIAL 37:18

Metema, leoina Israel-la, latane sosoa-ndandaan soona,

DANIAL 12:1

Ata nusa so'dak fo manapake bua-lo'a a'balutu ndia, nafa'da seluk nae, “Nai faik ndia, neukose ata nusa so'da matuaina Mikhael fo manamasulu-mahapa o leoinam-ma, ana to'da mai. Basa boema, neukose hapu tepo-lelek to'a-sota matuaina nanseli nai lelek bei hapu leoina-la nai daebafak-ka. Tehu hataholi fo leme o leoinam-ma na'den-nala nanasulak nai Manetualain susulan dalek-ka, neukose nanasoi-tefak.

DANIAL 6:13

basa-basas leu leo manek-ka leu, fo ala kalaak Danial lae, “Ade, Ama Manek ta limalee basa susula paleta fo kena-ka'i basa hataholi-la, fo nai faik teluhulu dalen-na ia, boso leni sila dokodoen-nala neu lamatua daebafak esa, do neu hataholi daebafak, te ka'da leni sila hala haladoin ndia neu Ama Manek mesak-kana hetu? Ma boeo nae ba'eneu see, fo ana la'olena paleta ndia soona, tapan leo singa lean dale neu hetu?” Boema manek-ka nataa nae, “Memak tete'ek-ka, susula paleta ndia, ana da'di Media ma Persia susula nakeketun, fo pake nahelen leona.”

ULANGAN 9:12

Boema, Manetualain nafa'da au nae, ‘Kona lai-lai leona, nana o leoinam fo o moos kalua leme Masir mai-a, ala tao tatao-nono'i mangalauk so. Ala ta tunga Au paletang-ngala so'on, de ala tao dodoki-dudulak fo, ala sene-do'ok neun.’