YESKIAL 29:3 - Susula Malalaok Hehelu Palak Ma Hehelu Beuk

³ Manetualain Fo Mademaina, nafa'da au nae, mafa'da mane Masir-ra, hala heheluk-ka nde ia nae, “O musum-ma nde Au ia, hai beis matuaina, fo o makandondoo nai lee-a tala'da. O malame'i mae Lee Nil-la nde been-na, o nuum ndia, ma o mae, o nde taolee ndia.

YESKIAL 29:3 ပူးပေါင်းရင်းမြစ်များ

MAZMUR 68:30

Mane-manek-kala lini tunu-hotuk fe O nai O Umam manai Yerusalem-ma.

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

YESAYA 27:1

Nai lelek ndia, neukose Manetualain pake tafaina matea ma matanen-na, fo Ana huku Lewiatan, menge fo manaule-po'de ma ana leleke ndia, ma soaneu taonisa buta tasi-a.

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YEREMIA 44:30

Hofra fo manek Masir-ra neukose Au fenneu musu-la fo lahiik ala tao lisan, sama leo Au fe Zedekia fo manek Yehuda neu Nebukadnezar fo manek Babel-la, fo ndia musun-na fo nau taonisan ndia.”

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 28:22

Mafa'da laun-nala mae Au, Manetualain Fo Mademaina, nafa'das nae, ‘Hai Sidon, o musum-ma nde Au ia. Neukose hataholi-la, ala koa-kio Au, nanahu Au tatao-nono'ing soaneu o-a. Nai lelek Au huku o laum-mala, neukose ala bubuluk lae Au nde, Manetualain fo malalao-malalafuk-ka.

YESKIAL 30:12

Neukose Au tao ama'da Lee Nil-la, ma Au fe Masir lala'en-na, leo hataholi mangalauk-kala neu. Neukose Au adenu hataholi nusa dea-la, fo ala tao lakalulutuk nusak ndia lala'en-na. Au fo Manetualain, nde manakokolak-ka.”

YESKIAL 30:22

Au Manetualain Fo Mademaina, afa'da ae, Mane Masir-ra, musun-na nde Au ia, de neukose Au helula'di alun duas, nau bei neulauk-ka, do la'di basak-ka so. Soona neukose tu'daheni tafaina ndia, neme liman dale mai.

YESKIAL 32:2

“Hai hataholi daebafak fo, manasapu-manalalok-konei, fe nasanene'da mahelek neu Mane Masir-ra. Fo manduku-malosak Au hala hehelung-nga nde ia neun mae, ‘O heo-haam sama leo singa molisoluk-ka nai leoina-la tala'da, tehu o lupam-ma sama leo beis-sa naso'da nai oe dale. O tao kelupua basa lee lala'en-na oen-na nenik o eim-ma.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

AMOS 6:13

Emi tui tutui me'i-afek mae, emi sengi Lodebar so. Emi boeo mafa'da mae, “Emi balakaim-ma dai soaneu ho'i falik Karnaim.”

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.

NINITAK 13:11

Boema au ita bana fe'ek esa ana kalua neme daebafa ka bui na mai. Bana ndia susulan dua sama leo bi'ilopo ana susula na. Ma hala na sama leo naga hala na.

NINITAK 13:2

Bana fo au itak ndia, lupa na sama leo meoasu kokoto ka, ma ei na sama leo bana esa na'de beruang ei na, ma nggonggolo na sama leo singa nggonggolo na. Boema naga fe balakai na, kandela mane na, ma koasa matuaina na, neu bana ndia.

NINITAK 13:4

Sila basa-basas lamatutua-lamadedema naga ndia, nanahu ana fe basa be'ibalakain neu bana ndia so. Ala sene do'ok neu bana ndia boema lae, “Ta hapu mabe'i-balakaik sama leo bana ndia fa. Ta hapu esa boen bisa sengi fan!”

NINITAK 16:13

Boema au ita dula dale mangalauk telu, lupa na leo lo'donggelek-ka. Lo'donggelek sila la esa-esa kalua neme naga bafan dale, neme bana ndia bafan dale, ma neme nabi pepeko kala bafan dale mai.

NINITAK 20:2

Boema ana ho'u na naga fo menge lasik ndia, fo Nitu do dula dale mangalauk ndia de ana feo puputun soaneu teuk lifun esa dale na.