YESKIAL 28:8 - Susula Malalaok Hehelu Palak Ma Hehelu Beuk

⁸ Neukose ala tao lakalulutuk o tetu-temam fo, o hapun neme o manatee-tenom, ma o malelam-ma mai ndia. Neukose ala taolisa o, fo latoi-latono o nai tasi dale.

YESKIAL 28:8 ပူးပေါင်းရင်းမြစ်များ

AYUB 17:16

Metema, au kona leo hataholi manamatek-kala, daebafan dale u soona, au ta anuu namahehenak so'on.”

AYUB 33:18

Ana ta po'ilotak-kasa, la'o la'di nakalulutuk-ka fa; nasulu-nahapas neme mamates-sa mai.

AYUB 33:28

Manetualain ta nau au u leo hataholi manamatek-ka, daebafan-na u fa, nalosa besak ia, au bei aso'da.

MAZMUR 28:1

Dauk kokoa-kikion-na. Ou Manetualain, au aloo bou-bou neu O, au manamasala'eng-nga nde O, mamanene au hala naloloong-nga. Metema O denge-denge soaneu au soona, au sama leo hataholi fo ana kona leo bolo mamates dale neu.

MAZMUR 30:9

Ou Manetualain, au aloo bou-bou, neu O, fo au dokodoe ae,

MAZMUR 55:15

Makahulun-na, ita leo-tapalasa no malole, ma biasa sene-do'ok sama-sama nai Manetualain Uman.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

AMSAL 1:12

Besak ia, so'dan-nala malole, ma so'da-la'dak-kala, tehu mahani te, neukose ala da'di sama leo hataholi manasapala'ok-ka.

AMSAL 28:17

Hataholi kanisak esa, name'da nanausik nakandoo, losa maten; ta hapu hataholi esa boen, bisa napanggee-na fan.

YESAYA 14:15

Te se'kona, o nananakonak leo mamanak fo mademainan-nanseli, neme hataholi manamatek-kala daebafan-na mai.

YESAYA 38:17

Neukose au dale he'ding-nga, nasafali da'di dale manatesa-tamak, O soi-tefa mala au eme soe-a mai; O fe do'o do ampon, neu basa au sala-singong-ngala mai.

YESKIAL 26:12

O musum sila-la, neukose ala kalo leni basa o hata-hetom, ma o bua dangam-mala lala'en-na. Neukose, ala tao lakalulutuk o papala nanadamam-mala, ma ala tao latu'u o uma mana'ahiim-mala. Neukose ala ho'i-la batun-nala, papan-nala, ma daen-nala, fo ala tapas leo tasi dale leu.

YESKIAL 27:34

Besak ia, o bolo so, o makalulutuk nai tasi buin-na. O ofa isi-mala, ma basa bua-lo'as lala'en-na, mopos sama-sama loo o, nai tasi tala'dak.’

YESKIAL 28:9

Nah, metema faik ndia losa soona, o bei bisa mafa'da mae Manetualain nde o do? Nai o hataholi kanisam-mala matan, ala bubuluk lae o ia, ka'da hataholi daebafak mesan.