YESKIAL 28:4 - Susula Malalaok Hehelu Palak Ma Hehelu Beuk

⁴ O pake o manatee-tenom-ma, ma o malelam-ma, soaneu o hapu hata-heto, lilopilas, ma lilofulak.

YESKIAL 28:4 ပူးပေါင်းရင်းမြစ်များ

AMSAL 18:11

Tehu hataholi kamasu'i-makabetek-ka, naedaenga hata-heton nde lasulu-lahapan-nana sama leo papala nanadamak madema, ma mateaina, okofefeon-na kota.

PENGKHOTBAH 9:11

Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

YESAYA 10:13

Mane Asyur-a kokolak bafa maloa nae, “Au tao basa sila-la nenik au koasa mesang-nga. Au manatee-tenok ma malelak. Au koka heni basa dae too fo manata'da leoina no leoina, ma au loso-a basa hata fo ala sadiak-kala. Au sama leo banteng-nga, fo au heheta-aa'i manapaletak-kala.

YEREMIA 49:4

Hei emi fo manalilineka tak! Tao le'e de emi madedema felak-kala fo leloaka? Hu beek nde emi koao neu emi su'i-beten! Neme bee mai emi hapu mafa'da mae ta hapu hataholi esa boen fo ana la'ban o?

YESKIAL 27:33

Nai lelek o bua-lo'am nananakonak neme ofak lain mai, o tao matetu leoina-kala paluun-na; o taom ma mane-manek-kala, ala da'di lamasu'i.

YESKIAL 29:3

Manetualain Fo Mademaina, nafa'da au nae, mafa'da mane Masir-ra, hala heheluk-ka nde ia nae, “O musum-ma nde Au ia, hai beis matuaina, fo o makandondoo nai lee-a tala'da. O malame'i mae Lee Nil-la nde been-na, o nuum ndia, ma o mae, o nde taolee ndia.

DANIAL 5:11

Nana nai Ama Manek nusan dale, hapu touk esa henuk no lamatua daebafak malalao-malalafuk-kala duladalen-na. Nai lelek Ama Manek aman paleta, hataholi ndia nananitak dodole da'uk ma malelak sama leo lamatua daebafak-ka malelan-na. Ama Manek aman Nebukadnezar so'u basan da'di malangan neu basa dukun-nala, hataholi malelaina-la, ma hataholi malela nduuk-kala so.

HABAKUK 1:16

Basa boema, ala sene-do'ok neu dala ndia, de ala fen tutunu-hohotuk, nana no dala ndia de ala hapu nana'a-nininuk sasi kao-kao, de ala da'di hataholi kamsu'i-makabetek.