YESKIAL 28:13 - Susula Malalaok Hehelu Palak Ma Hehelu Beuk

¹³ O mamana leleom-ma nai Eden, fo Manetualain osin-na. O bua papakem-mala, nanabalias nenik poemata mata-matak-kala fo nde: batu dalima dula pilas, batu poemata dula fula-momo'dok, batu poemata dula kunik, batu poemata dula balau, batu poemata dula momo'dok, batu poemata dula kunik mangadilak, batu poemata dula kunik lilopilas, batu poemata dula balau, batu poemata dula momo'dok ma batu alkali pilas. O bua-lo'a lilopilam-mala boeo makadotok. Bua-lo'as sila-la, nanataok soaneu o, nai faik fo o nananakadada'dik-ka.

YESKIAL 28:13 ပူးပေါင်းရင်းမြစ်များ

KEJADIAN 13:10

Lot nakanae leo boboa-kaisun neu, boema nita la'iesak Bafak Yarden-na lala'en-na, losa leo kota Zoar-ra neu, fo oen-na makadotok, sama leo nai Manetualain Osin-na, do sama leo dae Masir-ra. (Ndia te, Manetualain beita tao namopo Sodom ma Gomora kotan-nala fa.)

KEJADIAN 2:8

Basa boema, Manetualain tao osi nai Eden boboan dulu, de Ana fe hataholi fo, Ana taon-nak ndia, neu leo nai mamanak ndia.

AYUB 28:19

Batu kabeli isik, dula kunik, ma lilopilas isik-ka, belin-na ta dai dudu'a-aafi malole-a fa.

YESAYA 14:11

Makahulun-na o nanafe ha'da-holomata nenik sasanu kecapi, tehu besak ia, o nai mamana nee-nee lino-linok, fo nde hataholi manamatek-kala daebafan-na. Ulek-kala da'di o mamana pepe'um-ma, ma kalatik-kala da'di o lafa nalu'em-ma.’

YESAYA 23:16

Ho'i-ma kacapi fo la'ok okofeo kota leona, hai manasosoa-piaok fo nananafandele henik-konei! Makaminak kecapi, makamee seluk, fo ela hataholi nafandele o.

YESAYA 24:8

Kecapi liik fo maneni namahokok, ma rebana liik-ka, ta namanenen so'on. Hataholi manamamahoko-seteleek-kala, makalupu-makaseen nate'e so.

YESAYA 30:32

Lelek ala bei lame'da lita fefepan-nala, te Manetualain anan-nala lamahoko-setelee lenik sasanu gendang ma kecapi Neukose Manetualain mesak-kana, nde natee-natati la'ban hataholi Asyur-rala.

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESKIAL 21:30

Hai hataholi Amon-nala lemin, so'dok falik emi tafainam-ma! Neukose, Au aketu-ala'di emi nai mamanak fo, emi nananakadada'dik, ma nanabongik-ka

YESKIAL 26:13

Neukose Au tao ate'e o nakameem lala'en-na, ma o sasanu kecapim-ma.

YESKIAL 27:16

Basa manadangan fo maleme nusa Siria mai, ala asa bua dangam-mala, ma o bua-lo'a makadotom sila-la. Ala bae lenik batu poemata fo dulan-na momo'dok, tema pila balanggeok, tema nanaseu-sook nenik bunga, tema abalutu, batu poemata koral, ma batu pilas dalima.

YESKIAL 27:22

Manadangan-nala leme Syeba ma Raema mai, ala leni poemata-la, lilopilas ma bumbu neulauk-kala, fo ala asa o bua-lo'am-mala.

YESKIAL 28:14

Au fe ata nusa so'dak fo, mata-panan nakatata'u, nanea o nai ndia. O leo nai Au lete malalao-malalafung lain, ma o la'ok nai batu poemata mangadilak-kala tala'da.

YESKIAL 28:15

O ha'da-tataom matetu-mandaak, mulai neme o nananakadada'dik-ka mai, losa o mulai tao tatao-nono'i mangalauk.

YESKIAL 36:35

Soona neukose, basa hataholi-la ala nggenge, nanahu dae fo na'kasa dae tokotiik ndia, besak ia, nasafali da'di osi Eden-na so, ma kota-kota fo na'kasa, nee-nee lino-linok, ma lakalulutuk de ala da'di ai batu manatapasalak sila-la, besak ia, ala da'di kota musu matea-mahelek, ma laun-nala boeo, makadotok nanseli so.

YOEL 2:3

Ala tao lisa basa bubu'u-palusa lala'en-na, sama leo ha'i na'as de putus. Makahulun-na, nusak ndia sama leo Eden, fo Manetualain osin-na, Basa ndia boema, nalupa leo mo solokaek fo na'u-aiana ta moli fan. Ta ela hata esa boen, ta hapu hata esa boen, fo naladeak neme lamak sila mamain-na fa.

NINITAK 17:4

Inak ndia pake ba'du momo'do kunik ma pilabalanggeok, boema nanabalias ninik lilopilas, poemata, ma mutiara. Ana ho'u mango lilopilas esa nai lima dale henuk no dede'a manggengeok fo buna-boak neme sosoa-piaon mai.

NINITAK 2:7

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu salani nala! Sila fo manasengi kala, neukose Au fes loak la'a ai boak neme ai huu maso'da ka fo ana moli nai Manetualain Osin dale.”