YESKIAL 27:6 - Susula Malalaok Hehelu Palak Ma Hehelu Beuk

⁶ O sefem-mala nanataok neme, ai matuaina manai Basan-nala mai. O ofam-ma uma anan-na, nanataok neme ai kaiou mai, o da'di meme pulu Sipru-sa mai, o nanabalias nenik ngga'di dui kabelik.

YESKIAL 27:6 ပူးပေါင်းရင်းမြစ်များ

KEJADIAN 10:4

Yawan tititi-nonosin nde, laun manaleo nai Elisa, Spanyol, Siprus ma Rodes.

YESAYA 2:13

Ai kaiou mademaina manai Libanon-nala, ma basa ai matuaina manai Basan-nala, neukose nanatao namopo-namatek.

YESAYA 23:1

Hala heheluk la'eneu Tirus nde ia. Hai, Spanyol hataholi tasin-nala fo manai tasi maloaina lain-nala lemin, kii-makaleleu leona! Lelek emi fali meme Siprus mai-a, hataholi nafa'da emi nae kota Tirus-sa, nakalulutuk so. O ofa see-seem-ma, ma o umam-mala da'di ai-batu madodouk so.

YESAYA 23:12

Manetualain nafa'da nae, “Hai kota Sion-na nei, neukose o ta mamahoko-setelee so'on. O laum-mala, nanatuni-ndenik. Leomae lalai leo Siprus leu boe, ala ta hapu nee-nee mino-linok fa.” (

YEREMIA 2:10

La'ok ndolo-ndolo leo Siprus solokae su'un manai boboan muli, haitua hataholi leo dulu neu, fo leo nusa Kedar-ra neu, palisak matalolole nai naa, ade dede'ak matak esa, ana da'di hai nai naa so do beik?

YEREMIA 22:20

Manetualain nafa'da nae, “Hai Yerusalem laun-nala lemin, meu leo Libanon ma Basan, fo kii namatani nai na. Nggiso-nggasi nai letelepak Moab, nana emi soloda'dun lala'en-na nanatao nakalak so.

DANIAL 11:30

Nana neukose, hataholi Roma-la loo ofan-nala, ala mai leme Siprus mai, fo latee-lata'ti lon, nalosa ana bii nanseli. Boema neukose ana fali no nasak nanseli, de ana sanga enok fo tao nakalulutuk Manetualain anan-nala agaman-na. Neukose ana tunga hataholi manafali deak leme agama ndia mai, nanoli-nafa'dan.

ZAKHARIA 11:2

Hai ai daru-la lemin, makaleleu leona, nanahu foi heni kaiou-la so, ai matuaina-la, tu'u leu so. Hai ai matuaina manai Basan-nala lemin, kii leona. Nana, ai manai lasi maloainan-nala dalek, nanalo'o henik so.

BILANGAN 21:33

Basa ndia boema, hataholi Israel-la lepos fali, de ala tunga enok manaleo Basan neu. Mane Og-ka, no solda'dun-nala tutulumatak, de ala sapu-la hataholi Israel-la neme kota Edrei-a.

BILANGAN 24:24

Tehu neukose ofak bubuak esa, ala mai leme Siprus mai, fo neukose ala lasengi Asyur ma Heber, basa soona, ofu bubuak ndia neukose mopo-mates boe.”