YESKIAL 27:31 - Susula Malalaok Hehelu Palak Ma Hehelu Beuk

³¹ Hu kande o de, ala nggeu dilak langan-nala, ma ala pake si'di kalong, manafaluk. Ala kii noi-noi ma ala makaleleu o ua-nalem.

YESKIAL 27:31 ပူးပေါင်းရင်းမြစ်များ

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 16:9

Besak ia, au kii-makaleleu ai angol Sibma, sama leo au kii-makaleleu Yaezer. Au luu oeng-nga ti'ti boto-boto, soaneu Hesybon ma Eleale, nanahu musu na'aheni pela-ha'den-nala.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YESAYA 22:4

Boso taoafik neu au; nemen-na fo au kii-makaleleu, au leoinang manamate basak-kala so. Boso so'ba kokoe-nanasi au.

YESAYA 3:24

Besak ia, ala pake kaboomenik, tehu mahani te, neukose laboopulu. Neukose ala nggati kalikee abalutun-na, nenik tali. Neukose langadoo mana'ahiin-nala, nananggute dilak. Sila bua papake mana'ahiin-nala, neukose nananggatik nenik bua papake si'da-saik. Besak ia, sila mata makeek; tehu mahani te, nalutu mata-panan nanahu ala de'dek mata-panan-nala.

YEREMIA 16:6

Hataholi kamasu'ik-ka ma hataholi nuu ta hata-taak mani nusak ia neukose mates te ta hapu manamatoi fa. Ta hapu hataholi esa boen neukose tao nahe'di aopan-na do nggeu heni langa doon-na da'di leo manafaluk soaneu sila fa.

YEREMIA 47:5

Hataholi Gaza-la la'o la'di dale he'dik matuaina; Laun Askelon lamanggonggoak-kana. Hataholi Filistin fo bei elak-kala ala tei susa-dale he'di losa fai hi'da?

YEREMIA 48:37

Basa-basas ngeu heni langa doon-nala ma nggolo mein-nala so, tao lakahina liman-nala ma ala kekeo si'di kalong da'di ta'du tana dale he'dis.

YESKIAL 29:18

“Hai hataholi daebafak fo, manasapu-manalalok-konei, Mane Nebukadnezar-ra, neme Babel mai, neu sapu-na Tirus. Ana nadenu solda'du-la, ala lepa lelepa mabelaina, nalosa langan-nala da'di polik, ma kosuheni alu loun-nala, tehu nau manek-ka, do solda'du-la boe, ala ta hapu hata esa boen, neme sila sosota-mamangun ndia mai fa.

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

IMAMAT 21:5

Imam esa, ta bole nggute polik langan-na boboan seli fa, ma ta bole nggute nggolomein-na, do ta bole tao nahina aon-na nenik hata matane, fo nafa'da nae ndia bei falu.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

YUNUS 3:6

Lelek mane Niniwe, namanene halak ndia boema, ana fo'a napadeik de no lai-laik ana la'o ela kandela manen-na. Ana o'du heni ba'du manen-na, de ana pake si'di kalong, boema nangatuuk neu afu lain.

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.

MIKHA 1:8

Hu ndia de Au, Mikha, daleng-nga he'dis-sa, ma haladoi. Neukose au la'ok no makaholak ma ta pake ta'bueis fa, soaneu atu'du ae, au daleng-nga he'dis-sa nanseli. Neukose au nggo sama leo busa fui-a, ma dola sama leo manupui onta.

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.