YESKIAL 27:27 - Susula Malalaok Hehelu Palak Ma Hehelu Beuk

²⁷ Basa o bua dangam, fo manai ofak lain-na, basa o hataholi tasi-mala, boema o isi-mala, basa o tuka ai-mala, ma o hataholi manadangam-mala, basa solda'du manai ofak ndia lain-na, basa-basas lala'en-na, ala bolo de mopos, nai lelek o ofam-ma, ana hala.

YESKIAL 27:27 ပူးပေါင်းရင်းမြစ်များ

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

YESKIAL 26:1

Nai bulak esa, fo bulak ndia na'den-na ta nanasulak fa, fain esa, fo nai lelek ami nai mamana tu'u-tapak, nai teu ka sanahulu esan-na boema, Manetualain kokolak no au nae,

YESKIAL 26:12

O musum sila-la, neukose ala kalo leni basa o hata-hetom, ma o bua dangam-mala lala'en-na. Neukose, ala tao lakalulutuk o papala nanadamam-mala, ma ala tao latu'u o uma mana'ahiim-mala. Neukose ala ho'i-la batun-nala, papan-nala, ma daen-nala, fo ala tapas leo tasi dale leu.

YESKIAL 26:14

Fo Au la'oela kande, ka'da batu esa mesak-kana, fo hataholi tasi-la, mamana ho'i dalan-nala. Kota ndia, neukose ta nananafofo'a falik so'on. Au, Manetualain Fo Mademaina, nde manakokolak-ka.”

YESKIAL 26:21

Neukose Au tao o da'di natutu'duk fo, neni bibii-namata'uk matuaina, fo ndia nde da'di o so'da mete'em-ma. Hataholi-la neukose ala sanga o, tehu ala ta hapu o fa. Au, Manetualain Fo Mademaina, nde manakokolak-ka.”

YESKIAL 27:12

O mase'o o bua-lo'a dangam makadotom-mala, nai Spanyol, fo ala tuka o bua dangam-mala, nenik lilofulak, besi, tima fulak ma tima nggeok.

YESKIAL 27:22

Manadangan-nala leme Syeba ma Raema mai, ala leni poemata-la, lilopilas ma bumbu neulauk-kala, fo ala asa o bua-lo'am-mala.

YESKIAL 27:24

Ala lase'o fe o, papake-ngganggao neulauk, tema pila balanggeok, tema nanaseu-sook nenik bunga, ne'ak madula mata-matak-kala, ma tali mateaina-la.

YESKIAL 27:26

Basa o hataholi manasefem-mala, ala loo o leo tasi tala'dak neu. Ani timu matuaina, ana hotu fe o.

YESKIAL 27:28

O hataholi tasi-mala, ala nggasi nanahu ala bii-lamata'u, hataholi tasi su'uk-kala, lamanene o hataholi tasi-mala lakadii-lakau.

YESKIAL 27:34

Besak ia, o bolo so, o makalulutuk nai tasi buin-na. O ofa isi-mala, ma basa bua-lo'as lala'en-na, mopos sama-sama loo o, nai tasi tala'dak.’

YESKIAL 28:1

Manetualain nafa'da au nae,

YESKIAL 28:8

Neukose ala tao lakalulutuk o tetu-temam fo, o hapun neme o manatee-tenom, ma o malelam-ma mai ndia. Neukose ala taolisa o, fo latoi-latono o nai tasi dale.

AMOS 1:9

Manetualain nafa'da nae, “Laun Tirus-sala lasala-lasingo tataas esa so, hu ndia de, tao leo be o, neukose Au hukus. Ala foo leni leoina esa lala'en-na leo mamana tu'u-tapak neu, de ala fes leo Edom neu. Ala la'olena hehelu-balataa tia-laik-ka so.

ZAKHARIA 9:3

Tirus nafofo'a basa kota musun-nala, ma nadoudou-na, lilopilas ma lilofulak makadotok nanseli, nalosa lilopilas lilofulak sila-la da'di buas biasa, sama leo solokaek-ka ma tane-a, nai enok lain.